قومی کراٹے ٹیم انعامی پیسہ غاتا گڑاس رضاکارانہ وڑ اٹ تینا کوچ ءِ تسر
Get real time updates directly on you device, subscribe now.
لاہور (مانیٹرنگ ڈیسک) ساؤتھ ایشین گیم تا میڈلسٹ پاکستان کراٹے ٹیم سپورٹس بورڈ نا کنڈآن اسہ کنڈ کروک آ انعامی پیسہ غاتا گڑاس بشخ رضاکارانہ وڑ اٹ تینا کوچ ءِ تس۔ حوال نا رداٹ پاکستان سپورٹس بورڈ تدوک آ دے کھٹمنڈو اٹ مروک آ ساؤتھ ایشین گیم تا میڈلسٹ گوازی گر تے نقد ءُ انعام تسوسُر ولے کوچ آتے انعام تننگتنے و دا بابت اٹ کیہی حلقہ غاتا کنڈ آن سوج ہم ہرفنگانے ولے پاکستان سپورٹس بورڈ پاریسُس کہ سپورٹس پالیسی نا رداٹ بیرہ گوازی گرتے نقد ءُ پیسہ تننگانے۔ پاکستان کراٹے ٹیم ساؤتھ ایشین گیم تیٹی 6 گولڈ، 8 سلور و 5 برانز میڈل کٹاسر و ایہن تو 19 میڈل کٹوک آ پاکستان کراٹے ٹیم جوان ءُ فیصلہ کرسا تینا کوچ شاہ محمد شان ءِ تینا انعامی پیسہ غاتا گڑاس بشخ تننگ نا فیصلہ کرے ہرادے ہرانا ہر پلو آ ستا ءِ کننگ انگ ءِ۔ میڈلسٹ ایتھیلٹس انعامی پیسہ غاتیٹی 6 درسد بشخ کوچ کن جتا کننگا و کل پیسہ غاتیان ہفت ءُ نیم لکھ روپئی جوڑ مسر وخت اس کہ پاکستان کراٹے فیڈریشن نا کنڈآن لکھ روپئی نا انعام تننگانے۔ پاکستان کراٹے فیڈریشن نا چیئرمین محمد جہانگیر گوازی گرتا دا کاریم نا جوان ستا ءِ کرے۔