ریاست آتا سرسہبی سوگو ءُ زرگزران اسے تون گنڈوک مریک‘ احسن اقبال

اسلام آباد(آن لائن) بنجائی اسمبلی دیوان اٹ بجٹ بحث اٹ بشخ ہلسا مسلم لیگ نواز نا باسک بنجائی اسمبلی احسن اقبال پارینے کہ حکومت آ فرض ءِ کہ او ایوان اٹ آسراتی نا چارگڑد ءِ برجا تخے، نن آخا مچ آ دنیا کورونا نا گواچی ءِ، زرگزران نا حالیت جوان اف، اینو مچ آ دنیا تینا شاری تے امر رکھ تننگ کیک، ہر ریاست نا سرسہبی نا دارومدار سوگو زرگزران و رکھ آ مریک، ریاست آتا سرسہبی سوگو ءُ زرگزران اسے تون گنڈوک مریک۔ ہراڑے رکھ انا ٹائر بھلن مرے او تعلیم جانجوڑی نا ٹائر چنچی رکشہ نا مرے، اوڑے شونداری بھاز سخت ءِ۔ زرگزران نا حالیت دے پہ دے آ خراب مننگ اٹی ءِ، زرگزرانی چیلنج آک ودنگ ءُ، زرگزران کن قومی ءُ لائحہ عمل اسے نا گرج ءِ، خدو حکومت پاننگ کریکہ کہ داسہ بسونن، گدرینگوک آ اِرا سال اٹ زرگزران نا انت حالیت ءِ کل ءِ خبر ءِ، پنچ ءُ نیم درسد جی ڈی پی گروتھ ریٹ 2018 ٹی ئس،