لاک ڈاﺅن نا بابت حکومت ہچ کنفیوژن نا گواچی متنے، عمران خان
اسلام آباد(آن لائن )وزیراعظم عمران خان پارینے کہ ننا خارجہ پالیسی بھارتی غرور ءِ مِش تیٹی اوار کرینے۔ دا حکومت نا بھلو سرسہبی اسے، سرسہب آ خارجہ پالیسی نا سوب آن اینو نہ نن کس اسے کن جنگ کننگ اٹی اُن نہ کس اس پاکستان آ دو تورنگ اٹی ءِ، ٹرمپ ہم اوغانستان اٹ کمک کن ننے آن خواست کننگ اٹی ءِ۔ بھارت و ایران آن ملخ بننگ نا خلیس ارے، کورونا وائرس نا بابت فیصلہ غاتیٹی حکومت ہچ ءُ کنفیوژن اسے نا گواچی اف، نن زرکار ءِ مون آ تخسا کل ءِ گام گیج آتے کرین، ملخ و کورونا وائرس نا ایسری کن گام گیج کننگ اٹی اُن، جمہوریت میرٹ و احتساب آن مونی کانہ، اپوزیشن آ واضح کننگ خواوہ کس اسے تون دشمنی ننا اف ولے لیڈرشپ نا احتساب مریک، حکمران تا احتساب مفک تو ملک شون ہلنگ کپک۔ نن ہم سپریم کورٹ اٹ تینا فلیٹ نا حساب ءِ تسن، زئیفہ نا پیسہ غاتیان ہلوک آ اُرا نا منی ٹریل ءِ تسن، بُورہ انکوائری ملک اٹ تاریخی انکوائری ئس، بُورہ نا بہا نا فیصلہ ءِ شوگر ملز ایسوسی ایشن کریکہ، بُورہ ٹی مل مالک آک 29ارب روپئی نا سبسڈی ہلکر، 9ارب روپئی نا کل ٹیکس تسر، تدوک آ دے بنجائی اسمبلی ٹی تران کرسا وزیراعظم عمران خان پارینے کہ 31 جنوری آن ملخ آتیا ایمرجنسی نافذ کننگانے، این ڈی ایم اے ءِ اختیار تسونن، حکومت این ڈی ایم اے ءِ کل وسیلہ غاتے تننگ نا کوشست کننگ اٹی ءِ۔ گڑاس گڑا ءِ پیشن آن اتوئی ئس اوفک کورونا نا سوب آن اتنگ متوس، سویلی افریقہ آن ملخ آتا بھلو کچ اس بننگ اٹی ءِ، ہر 25 ، 30 سال آن پد ملخ آک بریرہ، وزیراعظم پارینے کہ ملخ آتون مون تننگ کن المی گام گیج کننگ اٹی اُن۔