چیف سیکرٹری بلوچستان کیپٹن (ر) فضیل اصغر نا کوئٹہ شار انا اناگت دورہ

کوئٹہ (خ ن) چیف سیکریٹری بلوچستان کیپٹن (ر) فضیل اصغر کوئٹہ شار انا اناگت دورہ ءِ کرے۔ اسی ایس داخلہ حافظ عبدالباسط، کمشنر کوئٹہ عثمان علی خان، سیکرٹری آئی ٹی یاور حسین ہم اوڑتون تُد ئسر۔ ۔ چیف سیکرٹری جناح روڈ، زرغون روڈ، شاہراہ اقبال، لیاقت بازار، پرنس روڈ،جوائنٹ روڈ، ائیر پورٹ روڈ انا دورہ ءِ کرے۔ چیف سیکریٹری ایس او پی و رکھی گاگم گیج آتیا عملدرآمد کپروک لیاقت بازاراٹ مارکیٹ و پرنس روڈ آ کیہی دکان تے سیل کننگ ناپرمان کرے۔ او پارے کہ رکھی گام گیج و ایس او پی تیا عملدرآمد کرسا نن وائرس آن نجات دوئی کننگ کینہ‘حکومت ناکنڈآن تروک رکھی گام گیج و ایس او پی تا خلاف ورزی ءِ سگنگ مفک۔ پروجیکٹ آ کاریم ءِ ترند کرسا پن کروک وخت آ پورو کننگ ءِ پک کننگے‘ کوئٹہ شار انا زیبائی آ خصوصی چکار کننگ انگ ءِ، کوئٹہ شار انا روایتی زیبائی ءِ بحال کننگک، شونداری ڈٹ آتے وخت آ پورو کننگے۔چیف سیکرٹری ءِ کوئٹہ سیف سٹی پروجیکٹ آ بریفنگ تننگا۔