گوازی گرک پی سی بی نا پارت آتے گوجالنگ اٹی ءُ‘وسیم خان

لاہور (آن لائن ) پاکستان کرکٹ بورڈ نا سی ای او وسیم خان پارینے کہ دا وخت آ پاکستان کورونا نا بابت اٹ انگلینڈ آن زیات خطرناک ءِ۔ پاکستان اٹ ناجوڑ آک ودنگ اٹی ءُ وخت اس کہ انگلینڈ اٹ کم مرسا کننگ ءُ۔ وسیم خان پارینے کہ گوازی گرک پی سی بی نا پارت آتے گوجالنگ اٹی ءُ، نن اوفتا اُراتیٹی ہنپن اوفتے توپن ہندا سوب آن راستکی ءِ پاننگ نا کوشست کننگ اٹی اُن۔ پاکستانی میڈیا وار وار رپورٹ کرسا کرینے کہ پاکستان نا کیہی گوازی گرک راجی فاصلہ غاتا خیال ءِ تخنگ اٹی افس، پی سی بی نا پارت آتے اسہ کنڈ کرسا پریکٹس کننگ اٹی اُن۔ پارت آتے اسہ کنڈ کننگ نا سوب آن 10 گوازی گر و مساج کروک آتا کورونا ٹیسٹ مثبت بس۔ پشاور اٹ کیہی گوازی گرک کیہی ہفتہ غاتیان اسہ ہند آ گوازی کننگ اٹی ءُ۔ محمد حفیظ تدوک آ دے تیٹی پریس کانفرنس اٹ وار وار آ جکاکہ او تینا مار اتون گالف گوازی کننگ آ ہم خننگا۔ دا بارواٹ وسیم خان پارینے کہ چار تو آن ءِ کرکٹ آن مُر مننگ آن پد او جوزہ ٹی برسا گراونڈ اٹ پترینگار۔ پاکستانی سوسائٹی ٹی راجی فاصلہ نا خیال ءِ تخنگ اٹی افس۔ او پارینے کہ انگلینڈ اٹ ٹینس گوازی گر، فٹ بالر آتیٹی کورونا پک مننگ اٹی ءِ، سپورٹس مین تے گوازی آن توننگ سخت ءِ ولے آخبت کن اوفتے وارننگ تننگک۔ گوازی گرتا سیال آک ہم اوفتا اُراتیٹی بریرہ۔ دا وخت خلیس آن خالی اف۔ نن انگلینڈ آ ہننگ آن مست ویسٹ انڈیز تون ہم ہیت کننگ اٹی اسن، کرکٹ ءِ بچفنگ کن رسک اس ہرفنگ اٹی اُن۔