حفیظ نا کورونا ٹیسٹ مثبت آن پد منفی بس‘پی سی بی نا ٹیسٹ آ سوج چَست
Get real time updates directly on you device, subscribe now.
لا ہور ( آن لائن)پاکستان کرکٹ بورڈ نا کنڈآن کروک آ محمد حفیظ نا کورونا ٹیسٹ مثبت بننگ آن پد منفی بس ہرا پی سی بی نا ٹیسٹ آ سوج چَست کننگ نا سوب مس۔ تدوک آ دے پاکستان کرکٹ بورڈ (پی سی بی) نا کنڈآن دورہ انگلینڈ آن مست کروک آ کورونا ٹیسٹ اٹ 10 گوازی گرتیٹی وائرس پک مسوسس ہرافتیٹی محمد حفیظ ہم اوار ئس۔ ولدا ہم محمد حفیظ ٹوئٹر آ تینا کووڈ 19 نا ارٹمیکو ٹیسٹ انا رپورٹ ءِ شیئر کرے او پارے کہ دانا نتیجہ منفی بسنے۔ محمد حفیط نوشتہ کرینے کہ تدوک آ دے پی سی بی نا کنڈآن کروک آ کورونا ٹیسٹ انا رپورٹ مثبت بسوسس ولے اُست انا تسلی کن تینٹ اسہ وار ولدا ٹیسٹ کرفنگ کن تینا خاہوت تون اوار ہناٹ۔ او رپورٹ ءِ کل اتون شیئر کرسا پارینے کہ اللہ نا شکر ءِ کنا و کنا خاہوت نا کورونا ٹیسٹ منفی بسنے۔ اللہ ننا کل انا رکھ ءِ کے۔