تدوک آ سلیکشن کمیٹی میرٹ آ کاریم کتو‘ کامران اکمل
لا ہور( آن لائن)ٹیسٹ کرکٹر کامران اکمل اسہ وار ولدا پارینے کہ پرفارمنس آن پد ہم پاکستان ٹیم شاپسہ کنے کنا اُست ہسونی مریک ولے او ولدا ہم تینے فٹ تکک، پین جوان پرفارم کننگ کن کوشست کیک انتئے کہ اودے پاکستان ٹیم اٹ پدی بروئی ءِ۔ 38 سال نا وکٹ کیپر بیٹسمین کامران اکمل 2002 ٹی تینا انٹر نیشنل کیرئیر نا بنا ءِ کرے۔ او 53 ٹیسٹ، 157 ون ڈے میچ وخت اس کہ 58 ٹی ٹونٹی انٹر نیشنل اٹ پاکستان نا نمائندگی ءِ کرینے۔ کامران اکمل پارینے کہ پرفارمنس تننگ آن پد ہم ہراتم سلیکشن مفک تو اُست ہسونی مریک، پرفارمنس آن پد ہم کنے وارخواہی رسینگ انگ اف۔ ہندا منہ سال اٹ ہراوڑ کنتون پیش بننگ انگ ءِ دا کل انا مون آ پاش ءُ۔ ای تینے فٹ تخنگ نا کوشست کیوہ، کنا کاریم ہندادے کہ ای ہرا کہول آ ہرا ٹیم انا کنڈآن گوازی کیو، جوان گوازی کیو او جوان پرفارمنس نشان تننگ ءِ برجا تخو۔