چاغی، پاک ایران سفری راہداری مسہ سال آن پد ملنگا
چاغی: پاک ایران سیمی سفری راہداری باقاعدہ وڑاٹ ملنگا۔ راہداری گیٹ مسہ سال انا بند مننگ آن پد ملنگانے، دا گیٹ آن سیمی علاقہ غاتا الس پانزدہ دے خصوصی موکل نامہ نا رداٹ ہڑتوم آ ملک آتا سیمی علاقہ غاتیا ہنسا تینا رشتہ دار آتون ملنگ کیرہ۔ چار شنبے نادے آ اسسٹنٹ کمشنر تفتان بلال شبیر سرکاری آفیسر و قبائلی سرکڑدہ غاتون اوار راہداری گیٹ ءِ دُوارہ ملنگ نا باقاعدہ بناءِ کریسس داوخت آ ایرانی سیمی ضلع میر جاواہ نا مرزبان گریڈ دوئم ہم ساڑی ئس ہرادے اسسٹنٹ کمشنر تفتان ہنینی تا ٹیکی اس ہم پیش کرے۔ یات سلے ایرانی کمامدارآک راہداری گیٹ ءِ فروری 2020 آن بند کریسر ہرادے ملنگ نا بابت ہڑتوم آ ملک آتا کمامدارآتا نیام اٹ اسیجائی دیوان تیٹی کیہی وار گپ وتران مس ولے تدوک آ ریگولیر بارڈر کمیٹی نا دیوان اٹی راہداری گیٹ ءِ ملنگ آ امنا مس ہرادے ڈپٹی کمشنر چاغی حسین جان بلوچ ہم پک کریسس۔
(اے پی پی)