کوئٹہ، اے ایس ایف کارندہ نا خون، وزیر داخلہ نا مذمت و نوٹس

کوئٹہ: سمنگلی روڈ آ نا درست بندغ آتا سم کاری آن اے ایس ایف نا کارندہ نا خون۔ سرجم حوال آتا رد اٹ سمنگلی روڈ آ نا درست سلہہ بند آک ڈیوٹی آ ہنوک اے ایس ایف نا کارندہ مجاہد علی راشد ءِ سم کاری کرسا کسفیر۔ لاش ہسپتال آ گدریفنگا۔ و المی کارروائی آن پد وارث آتے تننگا۔ صوبائی وزیر داخلہ میر ضیاء اللہ لانگو ا ے ایس ایف کارندہ غا سم کاری نا ترند انگا لوز آتیٹی مذمت ءِ کرے، وزیر داخلہ ودوک آ دہشت گردی واقعہ غاتیا گڑتی نا درشانی کرے و آئی جی پولیس و کانود نافذ کروک آ ادارہ غاتیان واقعہ نا رپورٹ ءِ ہم بٹنگا۔ وزیر داخلہ تعلقدار کمامدار آتے واقعہ نا زموار آتا برخلاف کارروائی نا پرمان کرسا پارے کہ کانود نافذ کروک ادارہ غاک ہن بر نا کسر تیا سنیپ چیکنگ ءِ برجا تخر۔ او پارے کہ سیکورٹی ادارہ غاک دہشت گرد آتا برخلاف پبی کارروائی کرینو و بے کچ قربانی تسنو۔ شہید آتا دتر بے کس رہنپک۔ ہور تیا حساب مروک منَٹ اس قوم انا جیرت ءِ شیف شاغنگ کپسہ۔ دہشت گرد آتا برخلاف سیکورٹی ادارہ غاک پبی کارروائی کرینو۔ وزیر داخلہ شہید کارندہ غاتا تینائی تتون ہڑزخواہی کرے، و دعا کرے کہ اللہ تعالیٰ ایماندار نا درجہ غاتے بھاز کے و پد سلوک آتے صبر ایتے۔

(آن لائن/ خ ن)