چوہدری شجاعت مسلم لیگ (ق) نا پارٹی صدارت آن اینک
Get real time updates directly on you device, subscribe now.
لاہور: مسلم لیگ(ق) بھلو گام اس ہرفسا پارٹی سروک چوہدری شجاعت حسین آن صدارت ءِ پدی ہلکنے۔ مسلم لیگ ق نا مسلم لیگ ہاؤس ڈیوس روڈ اٹی مروک سلاہ سوجی دیوان اتی چوہدری شجاعت حسین ءِ صدارت آن اینک کننگ نا فیصلہ کننگانے۔ دیوان اٹی چوہدری وجاہت حسین ءِ مسلم لیگ ق نا صدر جوڑ کننگا۔ ہندا وڑ طارق بشیر چیمہ ءِ اینک کرسا کامل علی آغا ءِ بنجائی سیکریٹری جنرل جوڑ کننگانے۔ چوہدری پرویز الٰہی مسلم لیگ (ق)پنجاب نا بے مقابلہ غان صدر گچین مس۔ دیوان اٹی پنجاب، کے پی، بلوچستان، سندھ انا پارٹی عہدیدار و راہشونک ساڑی ئسر۔ چوہدری شجاعت حسین مسلم لیگ (ق) نا کماشی آن دُو تے سلانے۔ و داسہ چوہدری وجاہت حسین ءِ پارٹی نا بنجائی صدر گچین کننگانے۔
(آن لائن)