وزیر اعلیٰ بزنجو تعلیم دوست پالیسی تیا عمل کننگ اٹی ءِِ فرح عظیم شاہ

کوئٹہ : ترجمان حکومت بلوچستان گودی فرح عظیم شاہ پارینے کہ وزیر اعلیٰ بلوچستان میر عبدالقدوس بزنجو تعلیم دوست آ پالیسی تیا کاریم کننگ اٹی ءِ۔ کچ اٹ انگا وسیلہ و مالی سختی تیان پد تعلیمی سال 2023 کن کچی جماعت آن دونزادہ جماعت نا نصابی کتاب آتے شینک کریر۔ پبلیکیشن و اونا مفت بشخ وپانٹ اکن فنڈ انا منظوری تننگانے۔ ہرانا رداٹ صوبائی حکومت بروک آ سروے ءِ مکمل پوروی اسکان 500.00 ملین روپئی نا ودوک ءُ فنڈ اسے اس جاری کیک۔ ترجمان صوبائی حکومت پارینے کہ صوبہ ٹی تعلیمی خرچہ غاتے مون آ تخسا عملی وڑاٹ گام گیج کننگ انگ ءِ۔ 1493 گلوبل پارٹنر شپ فار ایجوکیشن (جی پی ای) نا اُستاد آتا پک آرڈر تینا مٹ تینٹ ءِ۔ داڑان بیدس صوبہ نا جامعہ غاتا ویل آتے ہم جوان بنداو آ ایسر کننگا۔ تینا کچ اٹ انگا وسیلہ غاتیٹی رہنگسا مالی کمک فراوان کننگا۔ صوبہ ٹی تعلیمی آب ءِ جوان کننگ و جوانی اتنگ کن صوبائی حکومت نا کنڈآن لیپ ٹاپ بشخ وپانٹ کننگا تانکہ ریسرچ کلچر جوان مرے۔ ترجمان صوبائی حکومت پارینے کہ راج آتیٹی تعلیم نا شونداری نا کڑد بھاز اہمیت تخک۔ ہراڑان ننا آخبت جوڑ مریک۔ او اسہ زموار ءُ شاری اسے نا احساس ودی مریک۔ تعلیم نا اہمیت ءِ مون آ تخسا گام گیج کننگ انگ ءِ۔ اُستاد و طالبعلم آتا آسراتی تا فراوانی ءِ ہر وڑاٹ پک کننگک۔

(خ ن)