مچ آ ملک اٹی 24 گھنٹہ ٹی کورونا دین انا 21 پوسکن ءُ کیس رپورٹ

اسلام آباد:  مچ آ ملک اٹی 24 گھنٹہ ٹی کورونا دین انا 21 پوسکن ءُ کیس رپورٹ مسنے وخت اس کہ کورونا دین آن زہمی 12 ناجوڑ آتا حالیت نازرک ءِ۔ پنچ شنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی 4 ہزار 416 کورونا ٹیسٹ کننگا ہرافتیان 21 ٹیسٹ مثبت بس و داوخت آ کورونا ٹیسٹ انا مثبت کچ 0.48درسد ئس۔ داوخت آ کورونا دین آن اسہ ناجوڑ اس ہم زوال کتنے وخت اس کہ 12 ناجوڑآتا حالیت نازرک ءِ۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتیٹی اسلام آباد اٹی 340 ٹیسٹ کننگا ہرافتیان اسہ ناجوڑ اسے نا ٹیسٹ مثبت بس و کچ 0.29درسد، ایبٹ آباد اٹی 109 ٹیسٹ آتیان اسہ ٹیسٹ اس مثبت و کچ 0.92 درسد، جہلم اٹی 224 ٹیسٹ آتیان اسہ ٹیسٹ اس مثبت و کچ 0.45درسد وخت اس کہ لاہور اٹی 427ٹیسٹ کننگا ہرافتیان 8 ٹیسٹ مثبت بس و ہموڑے کچ 1.87درسد ئس۔

(اے پی پی)