یکم مارچ آن گوادر ءِ ایران آن 100 میگاواٹ ودکی بجلی مِلنگ بنا کیک
Get real time updates directly on you device, subscribe now.
گوادر : ڈائریکٹر جنرل گوادر ڈویلپمنٹ اتھارٹی (جی ڈی اے) مجیب الرحمان قمبرانی پارینے کہ یکم مارچ آن گوادر ءِ 100 میگاواٹ ودکی بجلی ایران آن ملک، انشاء اللہ گوادر ءِ 7/24بجلی نا فراوانی مریک، داڑان گوادر اٹی صنعت، سیل و سوات و ریئل اسٹیٹ نا کاروبار ء، مون آدننگ ملک۔ پنچ شنبے نادے آ تینا ٹویٹ اٹی اوپارے کہ گوادر نا بجلی نا گرج آتے پورو کننگ کن پاکستان و ایران نا حکومت آک جون 2022 اٹی 100 میگاواٹ ودکی بجلی نا فراوانی نا معاہدہ غا دستخط کریسر۔ وزیراعظم شہباز شریف تدوک آ سال تینا دورہ گوادر اٹی تعلقدار کمامدارآتے پارت کریسس کہ دا ڈٹ ءِ گونڈ مد اٹی پورو کننگے۔ مستی داکہ سینٹرل ڈویلپمنٹ ورکنگ پارٹی (سی ڈی ڈبلیو پی) تدوک آ جون اٹی جیونی آن گوادر اسکان 132 کے وی ٹرانسمیشن لائن نا منظوری ءِ تسوسس۔ 132 کے وی نا ارٹ میکو سرکٹ سٹرنگنگ نا تعمیر، جیوانی آن گوادر (94 کلومیٹر) اسکان ٹرانسمیشن لائن نا تفنگ نا پن اٹ دا ڈٹ 2،322،940 ملین روپئی نا خڑچ آن پورو کننگک۔ گوادر ایران آن درآمد مروک بجلی آ سیبو کیک و 132 کے وی لائن نا تفنگ آن کرکی شار اولیکو وار نیشنل گریڈ اتون منسلک مریک۔
(اے پی پی)