حج انا بابت سعودی عرب نا فیصلہ تون سلوک اُن، نور الحق قادری

اسلام آباد (اے پی پی) بنجائی وزیر مذہبی باندات نورالحق قادری پارینے کہ دا سال سعودی عرب اٹی چنکو کچ اسے ٹی حج مریک، 10 ، 15 ہزار سعودی حج کیرہ، نن سعودی عرب نا فیصلہ تون سلوک اُن، ہرا بندغ آک کعبہ و روزہ رسول نا زیات آ ہِننگ نا خواہندار ءُ اوفتے دا نمائش آن آسراتی ملک۔ بنجائی دارالحکومت نا سینٹورس مال اٹی غلاف کعبہ و ایلو تبرکارت آتا 10 دے ئی نمائش نا بنائی دود انا بناءِ کننگ نا وخت آ ہیت کرسا بنجائی وزیر مذہبی باندات نورالحق قادری پارے کہ داوڑنا ایونٹ اہل ایمان کن روحانی سکون نا سوب مریرہ۔ داسال سعودی عرب اٹ چنکو کچ اسے ٹی حج مریک۔ دہ پانزدہ ہزار سعودی حج کیرہ، نن سعودی عرب نا فیصلہ تون سلوک اُن۔ سعودی عرب تون است و سِخت انا تعلقداری ءِ۔ اوپارے کہ پاکستان آن زیات پین اسہ ملک اسے نا ہم حرمین شریفین تون خڑکی اف، تدوک آ سال حج اٹی 17 لکھ پاکستانی حاضری تسر۔ داسال 20 لکھ پاکستانی تے حج اکن ہنوئی ئس۔ ہرامخلوق کعبہ و روزہ رسول صلی اللہ علیہ و آلہ وسلم نا زیارت آ ہِننگ نا خواہشمند ءُ اوفتے دا نمائش آن سکون و راحت ملک۔ سردار تنویر الیاس میڈیا تون گپ وتران کرسا پارے کہ کورونا ناجوڑی و زرگررانی سختی ٹی غلاف کعبہ نا نمائش تازہ انگا تہو انا جھونکا سے۔ دا نمائش اٹی ایس او پی تیا پبی عمل مریک۔ داوخت آ کورونانا سوب الس ڈپریشن نا گواچی ءِ۔ دا نمائش نا سوب الس راجی فاصلہ ءِ مون آ تخسا نمائش ءِ ہِننگ کن بریرہ۔ نمائش اٹی اسلامی ملک آتا سفارتکار و چندی زند انا بشخ انا اہم شخصیت آک بشخ ہلکر۔ بنجائی وزیر پیر نورالحق قادری پارے کہ نمائش نا اڈتننگ اٹ سردار تنویر الیاس نا کوشست آک ستاکڑزرہ۔