سبی، مسافر ویگن و مزداس ڈوک لگار، 11 بندغ زوال، 15 ٹھپی

سبی(آن لائن)مٹھڑی نا خڑک قومی شاہراہ آ مسافر ویگن او مزادس ڈوک لگار، ہراٹی 11 بندغ زوال، وخت اس کہ 15 بندغ ٹھپی مسر، وخت اس کہ 2  ٹھپی تا حالیت نازرک پاننگ انگ ءِ، ٹھپی و کہوک آتیٹی چنا نیاڑیک ہم اریر۔ لاش و ٹھپی تے لیویز فورس او ایدھی ایمبولینس اٹ سول اسپتال سبی آ گدریفنگانے، وخت اس کہ ڈپٹی کمشنر سبی ڈاکٹر یاسر بازئی واقعہ غان پد سول اسپتال سبی ٹی ایمرجنسی نافذ کرینے، حوال نا رداٹ بولان نا علاقہ  مٹھڑی نا خڑک قومی شاہراہ آ کوئٹہ غان جیکب آباد آ ہنوک آ مسافر ویگن مون مقابل بروک ءُُُ سوف آن لوڈ ءُُُ مزدا سے تون ڈوک لگا ہراٹی 11 بندغ تپاخت مسر وخت اس کہ 15 آن زیات بندغ بھاز ٹھپی مسر، واقعہ نا ڈس رسینگ انگ تون لیویز فورس او ایدھی ایمبولینس واقعہ نا جاگہ غا سر مسر، لاش او ٹھپی تے سول اسپتال سبی آ گدریفنگا ٹھپی تے ٹی چنا نیاڑی ہم ئس وخت اس کہ ہسپتال انتظامیہ نا رداٹ ٹھپی مروک آ بندغ آتے ٹی 2 بندغ نا حالیت بھاز خراب ءِ، ہرادے طبی کمک تننگ آن پد سی ایم ایچ ریفر کننگک، ہسپتال اٹ طبی کمک تننگ اٹی بھاز باسنی نا دتر تا کمتی نا سوب آن ہسپتال انتظامیہ ءِ ناجوڑ آتے طبی کمک تننگ اٹی بھاز فریشانیک دوئی مسر وخت اس کہ تپاخت کروک آ بندغ آتے ٹی ڈرائیور عطا محمد،شکور خان،محمد اسحاق،شازین،ضمیر حسین،تاج محمد،طوطی خان،ثاقب،محمد اشرف،صدام حسین اسہ نیاڑی او چناس اوار ءُُُ۔ ٹھپی تے ٹی ماسٹر خالد،جمعہ خان،ساجدہ،زینت،فاطمہ بی بی،خیر الدین،نسیم،گلاب خان،مائیں بی بی،ماہ نور،مزمل،جمیل احمد،زہرہ،فیاض احمد،زیتون بی بی اوار ءُُُ، شکست اٹ زوال کروک او ٹھپی مروک آ تعلقداری سندھ او بلوچستان نا جتا جتا علاقہ غاتیان پاننگک وخت اس کہ شکست اٹی ویگن مکمل وڑ اٹ بھس مسنے ایلو کنڈ آ ٹریفک شکست نا ڈل انا رسینگ انگ تون ڈپٹی کمشنر کچھی مراد کاسی سول ہسپتال سبی ءِ سر مس او ٹھپی تا جانپڑسی ءِ کرے او ڈاکٹر آتے جوان دارو درمان نا پارت کرینے وخت اس کہ ڈپٹی کمشنر سبی ڈاکٹر یاسر بازئی واقعہ غان پد سول اسپتال سبی ٹی ایمرجنسی نافذ کرینے او کل ڈاکٹر او کمامدار آتے بٹنگانے۔