کورونا نا سوب آن 10 کروڑ بندغ ولدا غریب مریرہ، صدر عالمی بینک

واشنگٹن (آن لائن) عالمی بینک نا صدر ڈیوڈ میلپاس پارینے کہ کوویڈ -19 نا سوب آن دہ کروڑ بندغ ولدا بھاز غریبی نا گواچی مریرہ۔ او پارینے کہ اگہ دَینی حالیت خراب مرسا کرے تو دا کچ زیات مننگ کیک۔ ورلڈ بینک وعدہ کرینے کہ او ہنگامی حالیت آتا ورندی ءِ تننگ کن جون 2021 اسکان 100 ملک آتے 1 کھرب 60 ارب امریکی ڈالر نا فنڈ ایتک۔ ہندا سال نا جون نا تُو انا گڈ سر اسکان جہانی بینک کم از کم 21 ارب امریکی ڈالر جاری کرینے۔ داڑان بیدس، بھاز غریب انگا بندغ آتا کچ داسہ ہم ودنگ اٹی ءِ۔ او پاریسُس کہ دَین اٹی ملازمت آتے ٹی کمتی او کُن خور نا گڑاتا تننگ نا ویل آتا سوب آن اُلس ءِ کُن خور نا دوئی کننگ اٹ ویل آتون مون تروئی ءِ۔ او ہندا سوب آن حالیت آک خراب مننگ اٹی ءُُُ۔ او پاریسُس کہ زرگزرانی کاختی اخس کہ مرغن مریک ہموخس زیات بندغ آک ولدا غریبی نا گواچی مریرہ۔