بھارت کورونا نا سیبو ٹی مسلمان تے طبی آسراتی تیان مُر تخنگ ءِ، اقوام متحدہ

واشنگٹن(آن لائن)اقوام متحدہ بھارت ءِ کورونا وائرس نا سیبو ٹی مسلمان تے نسلی امتیاز او منافرت نا ٹارگٹ کننگ آ تنبیہ کرسا پارینے کہ بھارت مسلمان آتے کورونا نا سیبو ٹی مسلمان تے طبی آسراتی تیان مُر تخنگ ءِ۔ مذہبی عقائد نا بنداو آ تشدد نا زہمی تا جہانی دے انا وخت آ تینا کلہو اٹ اقوام متحدہ نا سیکرٹری جنرل انتونیو گوتریز پارینے کہ بھارت نا حکمران جماعت او حکومت نا حامی میڈیا مسلمان تے دَین نا تالانی نا زموار پن کننگ اٹی ءِ۔ او پارینے کہ بھارتی حکمران جماعت او میڈیا خاص کر تبلیغی جماعت آتے وائرس نا تالانی نا زموار پن کرے۔ تینا کلہو اٹ او مستی پاریسُس کہ مسلمان تے وائرس نا بھیم نا پن آ طبی آسراتی تیان اسہ کنڈ کننگک، اوفتے جلہو او بائیکاٹ آتون مون تروئی تمنگ اٹی ءِ۔