نن امریکہ نا جنگ اٹ تینا ملک ءِ بھس کرین‘خواجہ آصف

اسلام آباد : وزیر دفاع خواجہ آصف پارینے کہ ہراتم مودی گجرات اٹ وزیراعلی ئس تو کشت وخون نا سوب آن امریکہ اوڑا امریکہ ٹی پترینگ انگ آ رکھ خلکوسس‘ اینو ہم اقلیت خاص وڑ اٹ کشمیر اٹ کشت وخون برجاءِ کشمیرنا سرکڑدہ غاک کیہی دہائی آن بندی ءُ‘ کشمیر اٹ بد ءُ ریاستی دہشتگردی اس برجاءِ۔ نن امریکہ کن اوغانستان اٹ اِرا جنگ کرین‘ نائن الیون آن پد بنا کروک جنگ ننا جنگ الو‘ پاکستان اٹ و داڑتون اوار ہمسائے ملک آتتون مروک جنگ امریکہ تون کمک کننگ نابھرم ءِ۔ جنرل پرویزمشرف تینا بندغ آتے امریکہ غا بہا کرے‘ نن امریکہ نا جنگ اٹ کن تینا ملک ءِ بھس کرین۔ دا خیال آتا درشانی ءِ او جمعہ نا دے قومی اسمبلی ٹی کرے‘ خواجہ آصف پارے کہ نن دہشت گرد آتے تینٹ جاگہ تسن‘ سلہہ غان بیدس کل زرگزران منفی ٹی ءِ‘اینو ہرا دہشت گردی مننگ اٹی ءِ دا کل ہمو جنگ انا سوب آن ءِ‘ اینو ہم پاکستان ڈنڈ تننگ اٹی ءِ۔ اوغانستان نا اِرا جنگ انا بھرم تننگ اٹی ان‘ دانا ہچ ءُ فائدہ اس متو ہرا بیان بسنے او کل اکن شکی گری ناسوب ءِ‘ گچین کاریک مریرہ تو اسہ سوگو ءُ حکومت اس بریک‘ نن بایدے تینا حد واویل ءِ تینا فائدہ کن کاریم اٹ اتین‘ دانا کیہی فائدہ غاک اریر۔ وزیر دفاع خواجہ آصف پارے کہ دَرو وزیراعظم مودی ءِ صدر بائیڈن سلہ خلکوسس دَرو ولدا ہمو مست انا روایتی وڑ ءِ تینائی کننگا۔ ہراتم مودی گجرات اٹ ئس تو مسلمان تیا بیدادی کرے‘ ہندا امریکہ مودی آ رکھ خلکوسس‘ مودی داسہ ہم ہمو جاگہ نا اقلیت آتیا بیداد کننگ اٹی ءِ۔ امریکہ مودی ءِ سلہ خلکنے اسہ وار ولدا پاکستان آ دہشتگردی نا دوبہ خلنگا۔

(اے پی پی)