پی آئی اے حج آپریشن نا اولیکو مرحلہ ءِ پورو کرے‘ ترجمان
Get real time updates directly on you device, subscribe now.
اسلام آباد : پی آئی اے حج آپریشن نا اولیکو مرحلہ ءِ پورو کرے۔ پی آئی اے ترجمان عبداللہ حفیظ خان ناکنڈآن جمعہ نا دے جاری کروک بیان نارد اٹ تدوک آ نن کراچی آن جدہ آپریٹ مروک پی آئی اے نا جہاز تون اوار حج آن مست آپریشن پورو مسنے‘ ترجمان پارے کہ پی آئی اے نا کلؤ 268 جہاز اٹ 61،467 حاجی حجاز مقدس آ ہنار‘ ترجمان پارے کہ دا جہاز آتے ٹی سرکاری اسکیم نارد اٹ ہچ مف 41 ہزار و پرائیویٹ اسکیم نا رد اٹ 19 ہزار حاجی و 600 خدام مدینہ منورہ و جدہ غا سر کننگار۔ پی آئی اے نا حج آن مست آپریشن نا بنا 21 مئی آن مسوسس ہرا 22 جون اسکان برجا سلیس‘ جہاز آک کراچی، اسلام آباد، لاہور ملتان، فیصل آباد، سیالکوٹ و پشاور آن برائے راست راہی مسر۔ سکھر، رحیم یار خان و کوئٹہ غان حاجیک کراچی نا کسر اٹ جدہ نا سفر کریر۔ ترجمان پارے کہ پی آئی اے نا حج آن پد آپریشن نا بنا 2 جولائی آن مریک ہرا 2 اگست اسکان برجا سلک۔
(آن لائن)