بی اے پی چٹتنے‘ صوبہ ٹی پین سوگو مننگ اٹی ءِ‘ نور محمد دمڑ

کوئٹہ : بی اے پی نا صوبائی جنرل سیکرٹری سنیئر صوبائی وزیر حاجی نورمحمد خان دمڑ بلدیاتی گچین کاریک ضلع کونسل نا خاص انگا سیٹ آتیا ضلع زیارت تون اوار صوبہ نا جتا جتا ضلع غاتیٹی بی اے پی نا پندار اومیت دار آتا سرسہبی آ مبارکباد پیش کرسا پارینے کہ بی اے پی ایسر متو وخت اس کہ صوبہ پین سوگو و منظم مننگ اٹی ءِ، ضلع زیارت اٹ بی اے پی ضلع زیارت نا صدر عبدالستار کاکڑ کسان نا سیٹ، بی اے پی انا حبیب اللہ پانیزئی لیبر نا سیٹ و نیاڑی نا مسہ سیٹ آتیا سرسہبی و پندار مذہبی جماعت ءِ بے سہب کننگ آ پارٹی ضلع زیارت نا کمامدار، کارندہ، پارٹی نا یوسی چیئرمین و پوسکن گچین مروک آ ضلع کونسل نا باسک آتے اُست انا ہب اٹ مبارکباد پیش کرسا پارینے کہ دا ننا کاروان اٹ اوار کل بندغ آتا پانزدہ سال نا سیاسی جہد و اُلس اٹ شعور ودی کرفنگ نا نتیجہ ءِ۔ ضلع کونسل زیارت نا چیئرمین نا پن کننگ نا پڑو پارٹی کارندہ، کمامدار، کونسلر و یوسی چیئرمین آتا سلاہ ٹی کینہ۔

(آن لائن)