پیپلزپارٹی جھالاوان اٹ گیشتری اٹ سرسہب مسنے‘آغا شکیل
Get real time updates directly on you device, subscribe now.
نال : پاکستان پیپلز پارٹی نا کنڈآن تحصیل نال اٹ گرینڈ شمولیتی پروگرام اڈ ہلک۔ گرینڈ شمولیتی پروگرام پی پی پی نال نا راہشون حاجی مرزا خان لانگو نا کماشی ٹی مس۔ ہرانا خاص انگا مہمان پاکستان پیپلز پارٹی نا راہشون آغا شکیل‘احمد خضداری محمد اصف جمالدینی ئس وخت اس کہ اعزازی مہمانک سردار عزیز عمرانی میر محمد اصف جمالدینی سردار عزیز احمد عمرانی میر زاکر باجوی میر محمد اکبر جتک جمعہ خان شکرانی انجنءئر عتیق ساجدی محمد اکرم انور راجہ سکندر ہنینا قدیر احمد زہری تون اوار ئسر۔ آغاشکیل خضداری پارینے کہ پی پی پی جھالاون اٹ اسہ بھلو پارٹی اس مون آ بسنے۔ نواب ثنااللہ زہری نا کماشی ٹی ہڑدے نا بنداو آ پارٹی فعال مننگ اٹی ءِ۔ جھالاون اٹ پی پی پی سوگو مس دانا مٹ ڈسٹرکٹ چئیرمین شپ نا گچین کاری تیٹی ءِ۔ مسہ جماعت اتحاد کریر ولدا ہم اوفتے بے سہبی نصیب مس۔ کیہی اہم وزارت نا فائیز اٹ رہنگوک آ نال ءِ کھڈ آتیٹی بدل کریر بیرہ ٹھیکیدار آتا شونداری مسنے۔ تینے قوم پرست کروک آ اسہ ایلو ءِ خراب پارہ ہراتم مفاد آتا وخت مس او اسہ ایلو ءِ سپورٹ کیرہ ولے اُلس داسہ اونا دا چال آتیٹی بروک آ اف۔
(آن لائن)