کورونا وائرس نا تالان مننگ ءِ توننگ کن سخت گام گیج کننگک ‘ عثمان خان

0

Get real time updates directly on you device, subscribe now.

کوئٹہ(خ ن) کمشنر کوئٹہ ڈویژن عثمان علی خان ناکماشی ٹی کوئٹہ ٹی سمارٹ لاک ڈاﺅن نا بابت دیوان اس اڈ ہلک‘ دیوان اٹ ایڈیشنل ڈپٹی کمشنر کوئٹہ ثاقب خان کاکڑ، سیکرٹری ریجنل ٹرانسپورٹ اتھارٹی میران بلوچ، صدر ہوٹل اینڈ ریسٹورنٹ رحیم آغا، مرکزی انجن تاجران رحیم کاکڑ، ڈپٹی جنرل سیکرٹری یاسین مینگل، سینئر نائب حضرت علی اچکزئی، شاہ رضا ہزارہ، حسن آغا ہزارہ ہم ساڑی ئس‘ دیوان اٹ امنائی اٹ فیصلہ کننگا کہ کورونا وائرس نا تالان مننگ ءِ توننگ کن سخت گام گیج کننگک ‘ رکھی گام گیج آتیا ہر حال اٹ عملدرآمد کننگک۔ او پارے کہ کوئٹہ شار اٹ میڈیکل اسٹور تتون اوار کل دکانک‘ شاپنگ مال، ڈیپارٹمنٹل اسٹور، ریڑھی بان، نان بائی و ریسٹورنٹ آک بیگہ نا 7 بجہ اسکان ملوک مریرہ اوکان گڈ کل دکان تے بند کننگک‘ نہ تو خلاف ورزی کروک دکان تے سیل کرسا دکاندار تے دزگیر ہم کننگک۔ ریسٹورنٹ آک بیگہ نا 7 بجہ اسکان بیرہ ٹیک اوے کیرہ۔ کورونا نا تالانی نا سوب آن السی شعور کن حکومتی گام گیج و ایس او پی تیا عملدرآمد نابابت سوشل‘ پرنٹ و الیکٹرونک میڈیا ٹی مہم چلیفنگے۔ او پارے کہ الس سفر ناوخت آ موٹر سائیکل، گاڈی و پبلک ٹرانسپورٹ اٹ المی باسک بینے‘ اگہ کس ماسک بینتو تو اونا برخلاف کانودی کارروائی کرسا اودے ڈنڈ کننگک‘ پیادہ چرینگوک آک ہم المی ماسک بینر نہ تو کارروائی کرسا اوفتا شناختی کارڈ ءِ ضبط کرسا چالان کننگک۔ انجمن تاجران غٹ فیصلہ غاتا مخ تفی ءِ کرسا پارے کہ داکان مست ہم حکومتی گام گیج و فیصلہ غاتا خیالداری ءِ کرسا بسونن داسہ ہم حکومتی گام گیج و ایس او پی تیا عملدرآمد کننگک۔

Get real time updates directly on you device, subscribe now.

Leave A Reply

Your email address will not be published.