بنجائی حکومت گمانی لیک آڈیو تے جاست پاستی کمیشن ءِ تس
حاضر سروس جج،پرویز الٰہی،چیف جسٹس نا بلغڑ،عمران خان،ثاقب نثار نا مار تا پنک اوار
Get real time updates directly on you device, subscribe now.
اسلام آباد: بنجائی حکومت لیک مروک گمانی آڈیو تے بٹنگ انگ آ جاست پاستی کمیشن ءِ تس‘ حوالی نا رد اٹ گمانی لیک آڈیو تتون ٹرانسکرپٹ ءِ ہم افسر نا دستخط اٹ جمع کرفنگانے۔ حکومت نا کنڈآن جم وڑ اٹ 8 آڈیو جاست پاستی کمیشن تون جمع کرفنگانے۔جسٹس فائز ناکماشی ٹی آڈیو لیک نا جاست پاست کن کمیشن ءِ لیک مروک گمانی آڈیو تے ٹی ساڑی بندغ آتا پن‘ عہدہ و دوئی رابطہ نمبر آتے ہم جاست پاستی کمیشن ءِ فراوان کروک سرجم تے ٹی اوار ءِ۔ اٹارنی جنرل آفس ناکنڈآن انکوائری کمیشن اٹ جمع کرفوک بندغ آتا پن تا مہشون اٹ اولیکو پن مسکوہی وزیراعلی پنجاب پرویزالہی نا پن ءِ‘ مہشون اٹ وکیل خواجہ طارق رحیم، صدر سپریم کورٹ عابد زبیری، مسکوہی چیف جسٹس ثاقب نثار، صحافی قیوم صدیقی،مسکوہی وزیراعظم عمران خان و جمشید چیمہ، چیف جسٹس نا بلغڑ ماہ جیبیں نون، اُرائی خواجہ طارق رحیم رافیہ طارق، مسکوہی چیف جسٹس نا مار نجم ثاقب و ابوذر مقصود چدھڑ، سپریم کورٹ نا حاضر سروس جج انا پن ءِ اوار ءِ۔ اٹارنی جنرل آفس 8گمانی آڈیو تا بابت 12 پن نا مہشون تیار کرے۔
(آن لائن)