روس آن لکھ ٹن تیل انا اولیکو جہاز اِرا دے ٹی بریک، مصدق ملک
اگہ پوسکن آ ریفائنریک لگار تو نہہ سال آن پد سال انا بیست و دو ملین بیرل تیل درآمد کروئی تمک، وزیر مملکت پٹرولیم
Get real time updates directly on you device, subscribe now.
اسلام آباد : وزیرِ مملکت پٹرولیم مصدق ملک پارینے کہ روس آن تیل انا اولیکو جہاز 27یا 28مئی آ اومان بندرگاہ غا بریک‘ پین کبین بجلی سگنگ کپنہ‘ ملک اٹ فرنس آئل نا کچ چٹنگ اٹی ءِ۔ اسلام آباد اٹ پریس کانفرنس کرسا مصدق ملک پارے کہ ملکی تیل انا گرج آتا ہچ مف 50درسَد ہندی ریفائنریز فراوان کیک‘ ملک اٹ پوسکن ءُ آئل ریفائنری خلنگ خوانہ۔ اوپارے کہ ملک اٹ مسہ چار 4 لکھ بیرل ہڑدے نا ریفائنری خلنگ خوارہ‘ پاکستان نا پٹرول و ڈیزل نا سال انا گرج 20 آن 21 ملین ٹن ءِ‘ 2032 اسکان ملک اٹ پٹرول و ڈیزل نا سال انا کچ 33 ملین ٹن اسکان سرمریک۔ مصدق ملک پارے کہ پاکستان پوسکن آ گرین فیلڈ آئل ریفائننگ پالیسی نا منظوری ءِ تسنے‘ ہراڑان ملک اٹ زرکاری بریک‘ اوپارے کہ پاکستان اٹ زرگزرانی شونداری کن انرجی سیکیورٹی المی ءِ‘ روس آن تیل اتنگ ناباندات آ مصدق ملک پارے کہ روس آن اولیکو جہاز اٹ اسہ لکھ ٹن تیل درآمد کننگ انگ ءِ‘ روس آن تیل انا اولیکو جہاز 27 یا 28مئی آ اومان بندرگاہ غا سرمریک‘ اومان آن چنکا جہاز آتے ٹی تیل ءِ بندر گاہ اسکان سر کننگک انتئے کہ ننا بندرگاہ غا 50ہزار آن زیات سلنگ نا گنجائشت اف‘ او پارے کہ سویلی ایشیا ٹی پاکستان نا توانائی نا فی کس خڑچ کم انگا کہول آٹے‘ درملکی زرکار آتے 70 آن 80درسَد کنسورشیم تننگک‘ اڑزان پٹرول اسکیم آ آئی ایم ایف نا اعتراض آک سمجھ اٹ بفسہ‘ اسکیم ءِ ری شیپ کینہ۔ کنا خیال آئی ایم ایف غریب کن اڑزان پٹرول پیکیج آاعتراض کپک۔
(آن لائن)