ملک اٹی موبائل فون تا درآمد اٹی 73 درسد آن زیات نا کمتی
Get real time updates directly on you device, subscribe now.
اسلام آباد : برجامالی سال 2022-23نا دہ تُو اٹی ملک اٹی موبائل فون تا درآمد اٹی تدوک آ سال انا ہندا مد انا مقابلہ ٹی 73.84 درسد نا کمتی بسنے۔ ادارہ شماریات نا رداٹ پاکستان جولائی آن اپریل 2022-23اٹی 473.287ملین ڈالر مالیت نا موبائل فون درآمد کرے وخت اس کہ جولائی۔ اپریل 2021-22اٹی 1809.219ملین امریکی ڈالر نا درآمد آتا مقابلہ ٹی 73.84درسد نا کمتی ظاہر کننگا۔ داکان بیدس، سال بہ سال نا بنداوآ، موبائل فون تا درآمد اٹی ہم اپریل 2023نا تُو اٹی تدوک آ سال انا ہندا تُو انا مقابلہ ٹی 95.03درسد کمتی واقع مس۔ اپریل 2023اٹی ملک اٹی موبائل آتا درآمد 10.587ملین ڈالر ریکارڈ کننگا وخت اس کہ اپریل 2022اٹی 212.881ملین ڈالر نا برآمدئسر۔ حساب وکتاب نا رداٹ، تُو بہ تُو انا بنداو آ، اپریل 2023اٹی موبائل فون تا درآمد آتیٹی ہم 28.69درسد نا کمتی مون آ بس۔
(اے پی پی)