بھارتی فوج کشمیری تیا محرومی و بین ءِ بیٹ کننگ اٹی ءِ، منیر اکرم
Get real time updates directly on you device, subscribe now.
اقوام متحدہ : پاکستان اقوام متحدہ نا سلامتی کونسل اٹی بھارت نا غیر کانودی کوزہ ٹی جموں وکشمیر اٹی بھارتی فوجی کوزہ نا رداٹ کشمیری تا مایوس کن حالیت زار ءِ مون آ تخسا جھیڑہ ئی علاقہ کشمیر اٹی بھارت نا کنڈآن جی۔ 20 دیوان ءِ اڈترسا حالیت آتے مست آنبار نشان تننگ نا کوشست نا مذمت ءِ کرے۔ اقوام متحدہ ٹی پاکستان نا آخبتی مندوب منیر اکرم تدوک آ دے کراس فائر اٹی اختہ کشمیری الس نا سلامتی و وقار ءِ پک کننگ و خور و المی خذمت اسکان رسینگ نا تعلقدار ویل ءِ ایسر کننگ آ شرہ ٹی پارے کہ اقوام متحدہ نا سلامتی کونسل نا قرارداد آتا رداٹ کشمیر نا ویل انا انصاف اٹ و پرامن ایسر سویلی ایشیاٹی امن و سوگوی کن اہم ءِ۔ پاکستانی مندوب پارے کہ بھارت نا غیرکانودی کوزہ ٹی جموں وکشمیر اٹی بھارتی فوج انسانی حق انا بھلو کچ اسے آ خلاف ورزی و اوفتا ماڑی و ذریعہ معاش آ پدریسہ کوزہ کرسا کشمیری تیا محرومی و بین ءِ مسلط کننگ اٹی ءِ۔
(اے پی پی)