صدر نا گلزار امام شمبے ءِ دزگیر کننگ آ سیکورٹی ایجنسی تے مبارکبادی
Get real time updates directly on you device, subscribe now.
اسلام آباد : صدر مملکت ڈاکٹر عارف علوی پاکستان نا سیکورٹی ایجنسی نا کنڈآن دہشت گرد گلزار امام شمبے ءِ دزگیر کننگ آ مبارکبادی تسنے۔ چارشنبے نادے آ اسہ ٹویٹ اسے ٹی صدر مملکت پارے کہ پاکستان نا انٹیلی جنس ایجنسی ءِ بے کچ نفیس و آپریشن آن پد دا دزگیری آ مبارکبادی پیش کیوہ۔ اوپارے کہ دا حقیقت اٹ بھاز بھلو سرسہبی اسے۔ صدر مملکت پارے کہ داوڑنا ڈٹ بندی کارروائی بلوچستان اٹی امن و شونہالی اتنگ اٹ بھاز کمکار جوڑ مریرہ۔ صدر مملکت پارے کہ ای آئی ایس آئی، اونا سرکڑدہ و عملہ نا منت واری ءِ ہرفیوہ ہرافک دا آپریشن اٹی بشخ ہلکر و اودے سرسہب کریر۔
(اے پی پی)