شہید صحافی ارشاد مستوئی و شاہد زہری ءِ ایوارڈ تننگ ستاکڑزک

کوئٹہ: بلوچستان یونین آف جرنلسٹس شہید صحافی ارشاد مستوئی و شاہد زہری ءِ صدارتی ایوارڈ تننگ آ صدر مملکت و حکومت پاکستان نا منت ءِ ہرفسا پارینے کہ بلوچستان اٹی صحافت نا بشخ اٹی خذمت و جان تے ندر کروک آ شہید آتے ایوارڈ تننگ ستاکڑزوک ءُ گام اسے۔ بی یوجے نا صدر عرفان سعید، جنرل سیکرٹری منظور احمد و کابینہ ارشاد احمد مستوئی و شاہد زہری ءِ تمغہ امتیاز تننگ آ صدر مملکت، حکومت پاکستان و گورنر بلوچستان ملک عبدالولی کاکڑ نا منت واری ءِ ہرفسا پارینو کہ شہید صحافی ارشاد مستوئی و شاہد زہری نا غم ءِ گیرام کننگ مفک ولے اوفتا خذمت و قربانی تا ریاستی کہول آ امنائی صحافتی برادری و شہید صحافی تا خاہوت کن ستاکڑزک، بی یوجے نا اسیجائی بیان اٹی بلوچستان حکومت آن خواست کننگاکہ شہید ارشاد مستوئی و شاہد زہری تون اوار غٹ شہید صحافی تا کیس آتیٹی پیش رفت نا بابت بی یوجے ءِ معلومدار کننگے۔ شہید صحافی تا خون اٹ اوار دوبہ دار آتے دزگیر کننگے۔ بیان اٹی داہم خواست کننگانے کہ بلوچستان حکومت شہید ارشاد مستوئی نا چناتے رہینگ کن اُرا و اونا جنوزان ءِ ملازمت تننگ نا تینا قول ءِ پورو کے۔

(اے پی پی)