فواد چوہدری نا ایف آئی اے ٹی طلبی نانوٹس آ سماعت اسہ ہفتہ کن ملتوی

0

Get real time updates directly on you device, subscribe now.

لاہور: لاہور ہائی کورٹ تحریک انصاف نا راہشون و مسکوہی بنجائی وزیر حوالکاری فواد چوہدری نا ایف آئی اے ٹی طلبی نا نوٹس نا برخلاف درخواست آ سماعت ءِ اسہ ہفتہ کن پدبٹے۔ عدالت ایف آئی اے ءِ تادیبی کارروائی آن توننگ نا حکم امتناعی ٹی ہم بروک آ ہفتہ اسکان ودکی کرینے وخت اس کہ عدالت پولیس نا کنڈآن مقدمہ غاتا سرجم آتا فراوانی نا رپورٹ ءِ جمع کرفنگ آ اسہ د رخواست اسے سرتس۔ لاہور ہائی کورٹ نا جسٹس شہرام سرور چوہدری فواد چوہدری نا برخلاف مقدمہ غاتا سرجم و سائبر نا مقدمہ ٹی طلبی نا نوٹس نا برخلاف درخواست آتیا سماعت کرے۔ داکان بیدس عدالت عالیہ لاہور اٹی مقدمہ غاتا سرجم آتا فراوانی نا دائر درخواست آ عدالت اٹی پنجاب حکومت نا وکیل پولیس نا کنڈآن فواد چوہدری نا برخلاف مقدمہ غاتا سرجم آتا رپورٹ ءِ جمع کرفے پولیس نا جمع کرفوک آ رپورٹ اٹی عدالت ءِ معلومدار کننگانے کہ فواد چوہدری نا برخلاف 6 مقدمہ نوشتہ ءُ۔ اسہ مقدمہ فیصل آباد، منگلا کینٹ، نیو ایئر پورٹ اٹک وخت اس کہ 3 مقدمہ لاہور اٹی ءُ۔ پنجاب حکومت نا وکیل نا پولیس رپورٹ پیش کننگ آ عدالت دائر درخواست ءِ سرتس۔

(اے پی پی)

Get real time updates directly on you device, subscribe now.

Leave A Reply

Your email address will not be published.