وزیر اعظم نا ملک اٹ بجلی نا بریک ڈاؤن نا نوٹس،رپورٹ ءِ بٹنگا

نیشنل گرڈ اٹی خرابی آن مچ آ ملک اٹی بجلی نا بریک ڈاؤن مس، خرابی این ٹی ڈی سی نا گدو آن بلوچستان کن ہنوک لائن اٹ ودی مس، پاور ڈویژن

0

Get real time updates directly on you device, subscribe now.

اسلام آباد (آن لائن)وزیر اعظم شہباز شریف ملک اٹی بجلی نا بریک ڈاؤن نا نوٹس ءِ ہلکنے، بنجائی وزیر توانائی خرم دستگیر آن رپورٹ بٹنگانے، وزیر اعظم ہاؤس نا کنڈآن جاری بیان اٹی پاننگانے کہ ملک اٹی بجلی نا بھلا بریک ڈاؤن آ وزیر اعظم شہباز شریف آ گڑتی درشان کرینے و کامدار آتے دمدستی بجلی نا بحالی کن ہلہلہ ئی گام گیج ن اپارت کرینے، ترجمان نا رداٹ وزیراعظم شہباز شریف بنجائی وزیر توانائی خرم دستگیر تون رابطہ کرینے، و اوڑان بجلی نا بریک ڈاؤن آ رپورٹ بٹنگانے، بنجائی وزیر ءِ پارت کننگا کہ بریک ڈاؤن نا سوب آتے نوشتئی وڑ اٹ وزیراعظم آفس ءِ معلومدار کننگاے۔ نیشنل گرڈ اٹی خرابی نا سوب آن بجلی نا بھلو بریک ڈاؤن اسے نا سوب آن مچ آ ملک اٹی بجلی نا فروانی بند مسوسس۔ پاور ڈویژن نا حوالی تا کنڈ آن پاننگاسس کہ بجلی نا پورو فراوانی ٹی 24 گھنٹہ لگنگ کیک۔ وزارت توانائی نا بیان اٹی پاننگاسس کہ بنائی حوال آتا رد اٹ دوشنبے نا دے سہب اتون ہفت و نیم بجہ نا وخت آ نیشنل گرڈ نا سسٹم فریکوئنسی کم مس، ہراڑان بجلی نا نظام اٹی بھلو بریک ڈاؤن اس مس، سسٹم نا بحالی آ کاریم ترندی اٹ برجا ءِ۔ بیان اٹ پاننگا کہ وارسک آن گرڈ اسٹیشن آتا بحالی نا بنا کننگانے، وزارت نا حوالی تا رداٹ پاننگ ئس کہ اسہ گھنٹہ اسے ٹی اسلام آباد سپلائی کمپنی و پشاور سپلائی کمپنی نا چنکو کچ اسے ٹی گرڈ آک بحال کننگار۔ خرابی خرابی این ٹی ڈی سی نا گدو آن بلوچستان کن ہنوک لائن اٹی ودی مس، بریک ڈاؤن آن مچ آ ملک اٹی بجلی نا سپلائی سلیس۔ دا کل آن پد بنجائی وزیر توانائی خرم دستگیر نا بیان مونی بس، و او پارے کہ الحمد اللہ بجلی مچ آ ملک اٹی بجلی نا فراوانی نا نظام رکھوک ءِ، فراوانی یا نظام اٹ ہچ ءُ اڑاند و شکست اس متنے، وزیراعظم نا پارت آ جاست پاست برجا ءِ۔ مچ آ ملک اٹی ٹیمک فنی خرابی ءِ مُر کننگ کن کاریم کننگ اٹی ءُ۔ بلوچستان و سویلی پنجاب نا بھاز آ علاقہ غاتے کن بجلی ءِ بحال کننگانے۔ کے الیکٹرک ہم وختی وڑاٹ بجلی ءِ بحال کرینے۔ پریس کانفرنس آن تران کرسا وزیر توانائی خرم دستگیر نا پاننگ ئس کہ بجلی نا نظام ءِ بحال کننگ کن پبی کوشست کننگ انگ ءِ، مچ آ ملک اٹی ٹیمک فنی خرابی ءِ چٹفنگ کن کاریم کننگ ءُ۔ وولٹیج اٹی بھلو شیف بڑزی ایس، ولے زُو بجلی بحال مریک۔ او پارے کہ بلوچستان و سویلی پنجاب نا بھا زآ علاقہ غاتا بجلی ءِ بحال کننگانے۔ وخت اس کہ ایلو حوال آک دادو کہ بلوچستان اٹی بیرہ دارلحکومت کوئٹہ نا منہ بشخ اسے بجلی تننگانے، و ایلو ضلع غاتے نن نیمہ اسکان بجلی نا فراوانی پک مننگ کتویسس۔ و کئٹہ نا ہرا علاقہ غاتا بجلی بحال مسنے، اوفتیا ہم ہن بر نا چرجوئی برجا ءِ۔ وزیر توانائی پارے کہ کے الیکٹرک ہم وختی وڑ اٹ بجلی ءِ بحال کرینے۔ ایلو بشخ آتیٹی بجلی نا نظام ءِ بھاز زُو بحال کننگ کن کوشست کننگ انگ ءِ۔

Get real time updates directly on you device, subscribe now.

Leave A Reply

Your email address will not be published.