یخ اٹ گیس انا بے سلنگ آن فراوانی ءِ پک کننگے، اختر حسین لانگو

الس ءِ ریلیف فراوان کننگ کن ضلعی انتظامیہ کبین بہا کروک، کٹیا کار و کوڑی کروک آتا برخلاف کارروائی تے تیز کے

0

Get real time updates directly on you device, subscribe now.

کوئٹہ:چیئرمین پبلک اکاؤنٹس کمیٹی اختر حسین لانگو ڈپٹی کمشنر کوئٹہ شہک بلوچ تون اوڑدہی کرے، اوڑدہی ٹی ضلعی انتظامیہ نا کنڈ آن نوکاپ و پر تیان پد انا گام گیج، گیس پریشر نا حالیت، اڑزان نُت انا فروانی و ایلو باندات آتا رداٹ ہیت و گپ کننگا۔ دا وخت آ چیئرمین پبلک اکاؤنٹس کمیٹی ضلعی انتظامیہ نا کڑد انا ستا ءِ کرسا پارے کہ بھلا پر و نوکاپ نا حالیت اٹی ضلعی انتظامیہ دے و نن کاریم کرسا زہمی تا کمک و بحالی ءِ پک کرے۔ او پارے کہ گونڈ ءُ وخت اسے ٹی زہمی تسکان کمک نا فراوانی تون اوار ایلو المی گام گیج آک کننگار۔ ہرانا سوب آن زہمی تا خواری تیٹی کمتی بسنے، او پارے کہ ضلعی انتظامیہ نا کنڈ آن کوئٹہ شار اٹی اڑزان نت انا فراوانی و بست و بند آتا فل پروف چاروکی آن الس ءِ ریلیف رسینگ انگ ءِ۔ گڑا ال سنا آسراتی و آبادی ءِ مون آ تخسا اڑزان نُت پوائنٹ آتا کچ اٹی ودکی کننگے، وخت اس کہ شار اٹی گیس پریشر نا غاو تا ایسری کن ہم گام گیج کننگے، کہ یخ اٹی مخلوق ءِ بے سلنگ آن گیس فراوانی پک مننگ کے۔ او پارے کہ ضلعی انتظامیہ نا کنڈ آن تجاوزات، کبین بہا کروک، کٹیا کار و کوڑی کروک آتا برخلاف کارروائی تے پین تیز کننگے، تاکہ مخلوق ءِ کنوئی گڑا تا بابت ریلیف رسینگ کے۔ د اوخت آ ڈپٹی کمشنر شہک بلوچ پارے کہ ضلعی انتظامیہ الس ءِ وس انا کچ آ ریلیف فراوان کننگ کن دے و نن کاریم کننگ ءِ۔ کوئٹہ شار اٹی الس نا آسراتی کن 12 اڑزان نُت پوائنٹ جوڑ کننگانو، ہرافتا چاروکی ءِ اسسٹنٹ کمشنر آتا جند کننگ اٹی ءُ۔ وخت اس کہ نظم وضبط ءِ پک کننگ کن کارندہ سلفنگانے، داکان بیدس مخلوق نا گرج ءِ مون آ تخسا شار اٹی پین اڑزان پوائنٹ جوڑ کننگ، کہ مخلوق بیدس خواری آن سرکاری نُت ہلنگ کے۔ او پارے کہ نوکاپ و پر تا زہمی تا وس انا کچ آ کمک ءِ پک کننگانے، و اوفتا بحالی اسکان ضلعی انتظامیہ آسرات تولپک، او پارے کہ شار اٹی تجاوزات، کبین بہا کرو، کٹیا کار و کوڑی کروک آتا برخلاف کارروائیک برجا سلرہ۔ دا رداٹ اسسٹنٹ کمشنر و اسپشل مجسٹریٹ آک ہڑدے نا کاٹم آ گام گیج کننگ اٹی ءُ۔ او پارے کہ گیس پریشر نا سوب آن گیشتری برانز کرسا سڑک آتے بند کننگک، ہراڑان اُلس دوکچ فریشان مننگ اٹی ءِ۔ گڑا گیس پریشر ءِ پک کننگ نا بابت تعلقدار کمامار آتتون اوار وار آ حالی حوالی مرسا ویل انا ایسری کن کوشست کننگ اٹی اُن۔

(آن لائن)

Get real time updates directly on you device, subscribe now.

Leave A Reply

Your email address will not be published.