ماہی گیرتا آسراتی کن چندی ڈٹ آتیا کاریم مننگ ءِ، حمل کلمتی

0

Get real time updates directly on you device, subscribe now.

کوئٹہ : صوبائی اسمبلی نا باسک میر حمل کلمتی پارینے کہ ماہی گیر آتا رکھ و ماہی گیری آتا صنعت نا شونداری کن ساڑی حکومت جتا جتا ڈٹ آتیا عملدرآمد کننگ اٹی ءِ۔ وخت اس کہ پسنی فش ہاربر اتھارٹی ءِ زوت اس فعال کننگے۔ دا بابت اٹ جتا جتا ڈٹ آتیا عملدرآمد بنا مسنے۔ دا خیال آتا درشانی ءِ او گوادر اٹ ماہی گیر آتا فلاح و بہبود و غیر کانودی فشنگ نا توننگ نا بابت جاچ ہلوک دیوان نا کماشی نا وخت آ ہیت و گپ کرسا کرینے۔ دیوان اٹ کمشنر مکران سید فصیل احمد آغا، ڈائریکٹر جنرل ماہی گیری، سیف اللہ کھتران ڈپٹی کمشنر گوادر عزت نزیر بلوچ تون اوار ایلو افسر و ماہی گیری نمائندہ غاک بشخ ہلکر۔ دیوان ءِ تروک آ بریفنگ اٹ پاننگا کہ گوادر نا کرکی ہیب کیب اٹ غیر کانودی ٹرالنگ نا برخلاف آپریشن برجا ءِ۔ دیوان اٹ کمشنر مکران ڈویژن پارینے کہ ضلع گوادر نا ہیب کیب اٹ ہچ ءُ ٹرالر اسے ٹرالنگ نا موکل تننگپک۔ گوادر اٹ بجلی و دیر انا فراوانی کن ہر ممکن کوشست کننگ انگ ءِ۔ دا بابت اٹ جتا جتا ڈٹ آتیا کاریم برجا ءِ۔ او پارینے کہ شار تا حق آتا رکھ اکن حکومتی نمائندہ ڈپٹی کمشنر گوادر نا وڑاٹ گوادر اٹ ساڑی ءِ۔ شاری ہچ ءُ ویل اسے نشانی و اونا ایسری کن ڈپٹی کمشنر گوادر تون ڈائریکٹ رابطہ کننگ کیرہ و حکومت کل ویل آتا ایسری کن جوان وڑاٹ گام گیج کننگ اٹی ءِ۔ دیوان اٹ صوبائی اسمبلی نا باسک کرکی علاقہ غاتا ماہی گیر آتے صحت کارڈ نا جاری کننگ نا ڈٹ انا منظوری آ وزیراعلیٰ بلوچستان میر عبدالقدوس بزنجو نا ماہی گیر و تینا کنڈآن منتواری ءِ ہرفسا پارینے کہ وزیر اعلیٰ ہرا وڑاٹ گوادر نا ویل انا ایسر و دا جاگہ نا اُلس نا حق و روزگار نا رکھ و فلاح و بہبود نا ڈٹ آتے پورو کننگ اٹی ءِ او گوادر نا اُلس خاص کر غریب آ ماہی گیر آتیکن جوان ءُ گام اسے۔

(آن لائن)

Get real time updates directly on you device, subscribe now.

Leave A Reply

Your email address will not be published.