نوشکے شار کیہی ول ویچڑ آ ویل آتا پلویڑ اٹی ءِ، جمعیت علمائے اسلام

نوشکے :  نوشکے ٹی ویل آتا ودکی نا بابت جمعیت علماء اسلام نا راہشونک حاجی منظور احمد مینگل، مولانا ملک محمد مینگل، حاجی محمد یوسف مینگل، کونسلر حاجی خالد مینگل، کونسلر حاجی منظور گورگیج، کونسلر حافظ عبدالواحد، سلیم مینگل و محمد زکریا عادل ڈی سی خرم خالد تون اوڑدہی کرے۔ وخت اس کہ اوڑان نوشکے ٹی جتا جتا ویل آتا بابت اٹ ہیت وگپ کرسا پارینے کہ کل آن اہم و سنجیدہ ویل امن و ایمنی نا ءِ۔ تدوک آ نن ہم قاسم سمالانی نا سائیکل موٹر گن پوائنٹ آ پلانو و اوڑا سم کاری ہم کننگانے۔ ولے اللہ اونا جان ءِ بچفے۔ حالیت دادے کہ دزی ہم مریک و اُلس نا قیمتی آ جانک ہم خلیس اٹیہ ءُ۔ قاضی آباد و قادرآباد اٹ ارا اُرا غان ارا ارا موٹر سائیکل دزانو۔ امن و ایمنی نا بابت اٹ کیہی وار نن توار چست کرینن ولے داسکان اُلس ءِ ہچ ءُ نتیجہ اس ملنگ اٹی اف۔ وخت اس کہ دزی داڑیلی ٹی پین ودکی مرسا ءِ۔

(آن لائن)