مون نا سال محکمہ خوراک خولم نا ٹارگٹ ءِ پورو کننگ کتویسس، فرح عظیم شاہ
Get real time updates directly on you device, subscribe now.
کوئٹہ: ترجمان حکومت بلوچستان گودی فرح عظیم شاہ پارینے کہ خولم نا بلوچستان اٹ سال انا گرج1 کروڑ 52 لکھ خولم نا گونی مریک۔ بلوچستان اٹ ہر سال خولم نا پیداوار کم و ود 1 کروڈ 20 لکھ آن 1 کروڈ 25 لکھ خولم نا گونی اسکان مریک۔ بلوچستان تینا خولم نا ایلو گرج آتے ایلو صوبہ غاتیان ہلسا پورو کیک۔ بلوچستان خولم و نت انا گرج آتے پورو کننگ کن صوبہ پنجاب و صوبہ سندھ آن خولم درآمد کرسا دا کمتی ءِ پورو کننگ نا کوشست ءِ کیک۔ پنجاب آن نت و صوبہ سندھ آن خولم ہلوئی تمک۔ محکمہ کن خور ہر سال نصیر آباد ڈویڑن نا زمیندار آتیان 10 لکھ خولم نا گونی ہلیک۔ ہرافتے پد آن رجسٹرڈ فلور ملز و نت انا چکی تے سرکاری نرخ آ فراوان کیک۔ وخت اس کہ سال 2022 اٹ محکمہ کن خور 10 لکھ گونی تے تینا ٹارگٹ پورو کننگ کتو انتئے کہ اوپن مارکیٹ و انٹرنیشنل مارکیٹ اٹ خولم نا ریٹ آک بھاز زیات ئسر۔ مچ آ ملک اٹ خولم ہلنگ نا ریٹ آک بنجائی حکومت فکس کیک۔ ہرادے Minimum Support Price پاننگک ہرادے بنجائی حکومت 22 سد روپئی فی من خولم گچین کریسس۔ ہرانا سوب آن محکمہ کن خور بلوچستان تینا 10 لکھ گونی تا ٹارگٹ ءِ پورو کننگ کتو و بیرہ 2 لکھ 96 ہزار گونی ہلنگ کرے۔
(آن لائن)