کوآرڈینیٹر آک اعزازی ءُ، ہچ ءُ آسراتی اس اف تا، فرح عظیم

0

Get real time updates directly on you device, subscribe now.

کوئٹہ: ترجمان حکومت بلوچستان گودی فرح عظیم شاہ پارینے کہ وزیر اعلیٰ بلوچستان میر عبدالقدوس بزنجو نا کنڈآن کوآرڈینیٹر آتا تقرری نا مسخت جتا جتا علاقہ غاتیٹی ہنسا اُلس ویل و غاو تے بننگ و اوفتے وزیر اعلیٰ اسکان سر کننگ ءِ۔ کوآرڈینیٹر آتا تقرری اعزازی ءِ، ہچ ءُ آسراتی اس اف تا۔ ترجمان صوبائی حکومت پارینے کہ اُلس غلط پروپیگنڈ تے بنپ کوآرڈینیٹر آتا تقرری وزیراعلیٰ بلوچستان نا وژن خوشحال بلوچستان نا کنڈآن اسہ اہم ءُ گام اسے ہراڑان اُلس و حکومت نا نیام اٹ رابطہ غاک پین سوگو مریرہ و ویل آتے جوان ایسر کننگ کن گام گیج کننگک۔ داکان بیدس ترجمان حکومت بلوچستان گودی فرح عظیم شاہ پارینے کہ ریکوڈک ڈٹ نہ بیرہ بلوچستان وخت اس کہ مچ آ پاکستان کن شونداری و شونہالی نا کن جوان مریک۔ دا تاریخی معاہدہ آن اُلس نا راجی و زرگزرانی شونداری نا کسر تے ملرہ۔ ریکوڈک ڈٹ آن ہشت ارب ڈالر نا سرمایہ کاری تون اوار اوار ہشت ہزار آن زیات ملازمت آتا وارخواہی ودی مریرہ۔

(خ ن)

Get real time updates directly on you device, subscribe now.

Leave A Reply

Your email address will not be published.