سویڈن اٹ آجو سلاہ درشانی ءِ غلط کاریم اٹ اتنگا، مٹھا خان کاکڑ

0

Get real time updates directly on you device, subscribe now.

کوئٹہ : صوبائی مشیر اطلاعات حاجی مٹھا خان کاکڑ سوئیڈن نا کنڈآن اسلام مخالف برانز آتا موکل تننگ آن پد ترکیہ نا سفارت خانہ نا مون آ قرآن مجید نا بے حرمتی و اسلام نا برخلاف ہیت کننگ نا مذمت ءِ کرسا پارینے کہ سویڈن اٹ تینا خیال آتا درشانی نا آجوئی ءِ ولے دانا دا مطلب اف کہ سویڈن نا حکومت یا اونا شاریک تینا خیال آتا درشانی نا آجوئی ءِ ننا مقدس آ کتاب آتا توہین ءِ کیر۔ جہانی دنیا و انسانی حق آتا علمبردار نفرت انگیز انگا کاریم نا توننگ نا زمواری تے پورو کیر و نفرت آن مر کننگ نا زمواری تے پورو کیر۔ کوئٹہ و اونا ہیب کیب اٹ گیس انا ویل آک بھاز زیات ءُ۔ سوئی سدرن گیس کمپنی تینا زمواری تے پورو کیر۔ دا خیال آتا درشانی ءِ او تینا بیان اسے ٹی کرینے۔ حاجی مٹھا خان کاکڑ پارینے کہ سوئیڈن اٹ حکومت نا کنڈآن اسلام مخالف برانز و اوٹی ننا مقدس آ کتاب قرآن مجید نا بے حرمتی و اسلام نا برخلاف انتہا پسند و شرپسند آتا کنڈآن ہیت کننگ نا اخس کہ مذمت ءِ کننگے ولدا ہم کم ءِ۔ او پارینے کہ اسلاموفوبیا تون گنڈوک اشتعال انگیزی خوفناک ءِ۔ سویڈن اٹ خیال آتا درشانی نا آجوئی ءِ ولے دانا دا مطلب اف کہ سویڈن نا حکومت یا اونا شاریک تینا خیال آتا درشانی نا آجوئی ءِ ننا مقدس آ کتاب آتیا نشان ایتر۔ اسلاموفوبیا ءِ مستی اتنگ نا کارروائی آن یک ءُ نیم ارب مسلمان آتا مذہبی جوزہ غاتے نسخان رسینگا۔

(خ ن)

Get real time updates directly on you device, subscribe now.

Leave A Reply

Your email address will not be published.