پولیو تور مہم نا سرسہبی کن مانیٹرنگ ءِ گچین کننگے، شیہک بلوچ
Get real time updates directly on you device, subscribe now.
کوئٹہ : انسداد پولیو مہم نا سرسہبی و ٹارگٹ دوئی کننگ کن مانیٹرنگ نا نظام ءِ جوان کننگے تانکہ مہم اٹی انکاری و پولیو پڑی بٹپروک آ لمہ باوہ غاتے امنا کرسا وخت آ رکھوک پڑی بٹفنگے۔ داڑان بیدس جعلی فنگر و ہاؤس مارکنگ نا توننگ کن ضلعی انتظامیہ و ایلو ادارہ غاک جوان گام گیج کننگ اٹی ءُ، ہراڑان مہم سرسہب و پولیو نا پورو ایسری ءِ ممکن مریک۔ دا خیال آتا درشانی ءِ ڈپٹی کمشنر کوئٹہ شہک بلوچ انسداد پولیو مہم نا بابت اٹ ایوننگ ریویو میٹنگ نا وخت آ کرے۔ او وخت آ کل اسسٹنٹ کمشنر و ایلو کمامدار آک ساڑی ئسر۔ اوفک پارینو کہ نمن مروک آ لمہ باوہ غاتے امنا کرسا سلوک آ چناتے رکھوک پڑی بٹنگ نا بست و بند کننگانے۔ پولیومہم نا سرسہبی و درکار آ ٹارگٹ آتے دوئی کننگ آن نن تینا صوبہ غان پولیو نا ناجوڑی نا ایسری ءِ کننگ کینہ۔
(خ ن)