الس ءِ پامداری و خیالداری اٹ تین پہ تین تول بش کروئی تمک، فضیل اصغر

کوئٹہ (خ ن) چیف سیکرٹری بلوچستان کیپٹن (ر) فضیل اصغر پارینے کہ کورونا وائرس نا تالانی و توننگ کن حکومتی گام گیج آتا سرسہبی اُلس نا رویہ غاتون گنڈوک ءِ۔ اُلس ءِ پامداری اٹ لاک ڈاون نا خیالداری و اُلس تون تول بش کروئی ءِ۔ اگہ دن کننگتو تو دا اسہ خطرناک ءُ حالیت اس دوئی کیک۔ دا خیال آتا درشانی ءِ او کورونا وائرس نا تالانی ءِ توننگ کن سمارٹ لاک ڈاﺅن و داڑتون گنڈوک ایلو کاریم تا جاچ ءِ ہلسا کرے۔ دیوان اٹ سیکرٹری جانجوڑی، سیکرٹری سپورٹس، ایڈیشنل آئی جی،کمشنر کوئٹہ و ایلوفک بشخ ہلکر۔ او محکمہ جانجوڑی نا کارندہ خاص کر ڈاکٹر آک، نرس آک و پیرا میڈیکل اسٹاف نا خدمت آتا ستا ءِ کرسا پارے کہ دا کورونا وائرس نا برخلاف فر نٹ لائن آ جنگ کرسا ءُ، اوفتا خدمت آتا قدر ءِ کینہ۔ دیوان ءِ سیکرٹری جانجوڑی نےکرونا ٹیسٹ آتا بابت اٹ ٹیسٹ کیٹس،لیبارٹری تا کارکڑد، فوڈ سیکیورٹی نا بابت جوان ءُ بریفنگ اس تس۔