بھا رت مقبوضہ کشمیر نا مسلم گیشتری ءِ اقلیت اٹ بدل کننگ خواہک، قریشی

ا سلام آباد ( آن لا ئن)وزیرخارجہ شاہ محمود قریشی پارینے کہ بھا رت مقبوضہ کشمیر نا مسلم اکثریت ءِ اقلیت اٹ بدل کننگ خواہک، بھارت زور اٹ حریت نا جوزہ ءِ ہندوتوا سوچ اٹ بدل کننگ نا کوشست کننگ اٹی ءِ ولے اوفک دا ظلم و بیدادی ٹی جوزہ آجوئی ءِ چٹفنگ اٹ بے سہب مسر او بے سہب مریرہ، مقبوضہ کشمیر اٹ مون انگا کانود آتے چٹفنگک، جہانی میڈیا ءِ مقبوضہ کشمیر اٹ جاگہ تننگے، تدوک آ 20 دے ٹی 30کشمیری ورنا تے شہید کننگا کوزہ کروک آ فوج شہید آتا میت آتے اوفتا خاہوت آتے دفن کننگ کن ہم تفک، بھارتی گام گیج آک خراب ءُ ریاستی دہشت گردی سے نا نشانیک ءُ، دا خیال آتا درشانی ءِ وزیر خارجہ ’او آئی سی‘ نا جموں وکشمیر آ رابطہ گروپ نا ہڑدُڑی ورچوئل دیوان آن تران کرسا کرے۔ تینا تران اٹ وزیر خارجہ پارینے کہ ای دا اہم انگا دیوان ءِ اڈ ترفنگ آ سیکریٹری جنرل (او۔آئی۔سی) نا اُست انا ہُب اٹ منتواری ءِ ہرفوہ۔ سعودی عرب، ترکی، آزربائیجان، نائیجر آن معزز آ وزیر تا دا دیوان اٹ بشخ ہلنگ نا منتوار اُٹ، ورچوئل دیوان بھارت نا کوزہ کروک آ جموں وکشمیر اٹ انسانی حق و اوڑے رہنگوک آ انسان تا حالیت ءِ مون آ اتسا و دانا ایسری کن حکمت عملی اس جوڑ کننگ اٹ کمکار ثابت مریک۔