دشمن مون آ بس تو پاک بحریہ قوم انا اومیت آتیا پورو بریک، آرمی چیف

سلام آباد/لاہور ( آن لائن ) پاک فوج نا کماش جنرل قمر جاوید باجوہ پارینے کہ ہراتم ہم دشمن تون مون تروئی تما تو پاک بحریہ قوم انا گمان تیا پورو کرے، آرمی چیف دا خیال آتا درشانی ءِ نیوی وار کالج لاہور نا دورہ نا وخت آ سٹاف کورس نا بشخندار و فیکلٹی باسک آتیان تران اٹ کرے۔ ترجمان افواج پاکستان نا رداٹ آرمی چیف یادگار شہداءغا حاضری تس و ہڑزخواہی ہم کرے۔ او وخت آ تینا تران اٹی آرمی چیف پارے کہ نیول وار کالج پاک بحریہ نا گچین ءُ ادارہ اسے نیوی وار کالج اٹ مسلح افواج نا کماش و دوست ملک آتا فوجی افسر تا ٹریننگ ءِ کننگک پاک بحریہ نا تاریخ جرت و بہادری و قربانی تیان پُر ءِ، ہراتم کہ دشمن تون مون تروئی تما تو پاک بحریہ قوم انا گمان تیا پورو مس۔پاک بحریہ بحری سیم تا رکھ ءِ جوان وڑ اٹ کرینے۔ آرمی چیف تینا تران اٹ سکیورٹی چیلنجز ، جیو سٹرٹیجک حالیت و دوئی مروک آ وارخواہی تینا تینا خیال آتا درشانی ءِ کرے۔ وار کالج آ بننگ آ کمانڈنٹ ریئر ایڈمرل محمد زبیر شفیق آرمی چیف ءِ بخیر کرے وخت اس کہ کور کمانڈرلاہور لیفٹیننٹ جنرل ماجد احسن ہم آرمی چیف تون اوار اس۔