چمن باب دوستی ہڑتوم آ کنڈآتا واپاری سرجزآتےکن ایس او پی تا رداٹ بحال
کوئٹہ (اے پی پی) پاک اوغان بارڈرچمن باب دوستی اینو ہڑتوم آ کنڈآتا واپاری سرجزآتےکن ایس او پی تا شڑت آتون بحال کننگا۔ باب دوستی آ ایکسپورٹ و امپورٹ نا 250 گاڈی ہِننگ کیرہ۔ پاکستان آن 200 واپاری مسخت آتے کن ٹرک و ٹیلر آتے مہالو آن پاکستان جوزہ خیر سگالی و اوغان حکومت نا خواست آ نیٹو نا گرج آتے پورو کننگ نا موکل تسنے۔ ولے اوغانستان آن 50 واپاری مسخت آتے کن ٹرک و ٹیلرباب دوستی چمن نا کمک اٹ حکومت پاکستان ایس او پی تا شڑت آتون پترینگ انگ نا موکل تس۔ دوشنبے نادے آ سہب اتون اوغانستان آن گاڈیک پاکستان اٹ پترینگ انگ نا بناءِ کریر۔ دا گاڈی تیٹی فریش فروٹ، ڈرائی فروٹ و ایلو المی آ گڑاک مریرہ۔ ہرافتے پاکستان کسٹم و تعلقدار ادارہ غاک فیمیگیشن نا کمک اٹ ڈس انفیکٹ کیرہ، داوخت آ سیکورٹی نا سخت بست وبند کننگانے۔ پاک اوغان بارڈر چمن باب دوستی ءِ پند اٹ ہن و بر کن تاحکم ثانی بند ءِ ، واپاری حلقہ غاک حکومت پاکستان نا دا گام گنا بھاز ستاءِ کننگ ءُ۔ انتئے کہ داڑان نئے بیرہ ملک ءِ کثیر زرمبادلہ دوئی مننگ تون علاقہ ٹی روزگار نا وارخواہی فراوان مننگ کیک۔