تفتان اٹ دیر انا تنکی ءِ ایسر کننگے‘میرسعیدسمالانی

تفتان (آن لائن) تفتان اٹ دیرانا حالیت خراب مسنے‘ بندغ آک باسنی نا مُد اٹ دیر انا پڑی پڑی کن سکنگ اٹی ءُ۔ دا رد اٹ السخی پینل نا راہشون میر سعید سمالانی پارینے کہ باسنی ٹی اگہ الس ءِ دیر انا آسراتی رسینگپ تو علاقہ نا الس کن کربلا جوڑ ءِ۔ داوخت آ ننا ضلع نا وزیر بیرہ ماسٹر پلان نا چکر اٹی ءِ اودے الس نا تکلیف تون ہچ کاریم اف۔ او بیرہ خاص انگا بندغ آتے فائدہ رسیفنگ اٹی ءِ‘ او پارے کہ تفتان نا چندی کلی تے ٹی بندغ آک دیر انا پڑی پڑی کن سکنگ اٹی ءُ‘ ٹینکر مافیا الس ءِ لٹنگ اٹی ءِ‘ او پارے کہ صوبائی وزیر روڈ ایلو رنگ آتا جاگہ غا الس ءِ دیر فراوان کے و تفتان ناکلی تے ٹی لولہ شاغنگے تاکہ بندغ آتے دیر رسینگ کے۔ ولے او بلڈنگ و ایلو ریپئرنگ نا ٹینڈر کرفنگ اٹی ءِ انتئے کہ ٹینڈر آک اونا مخ تف آتے رسینگرہ۔