پاکستان تحریک انصاف حکومت تعلیم نا پڑ آ محرومی تے چٹفک،زرتاج گل
Get real time updates directly on you device, subscribe now.
اسلام آباد(اے پی پی) بنجائی وزیر مملکت موسمیاتی بدلی زرتاج گل وزیر پارینے کہ 42 ملین روپئی نا گرانٹ آن تینا گچین کاری حلقہ این اے 191 ڈیرہ غازی خان نا 14 اسکول آتے ٹی کلاس روم و پوسکن آ بلاک آتا تفنگ نا ڈٹ آتیا کاریم نا بناءِ کرینن۔ مستین اٹی سردار وڈیرہ و جاگیر دارآک الس آ تعلیم نا درگہ غاتے بند تخار ہراڑان تعلیمی پسماندگی ٹی ودکی مس، پاکستان تحریک انصاف نا حکومت دامحرومی تے چٹفک۔ داخیال آتا درشانی ءِ او ڈیرہ غازی خان اٹی حلقہ این اے 191 ٹی چندی پرائمری و ہائی اسکول آتا دورہ ءِ کننگ نا وخت آ کرے۔ زرتاج گل اسکول آتے ٹی عدم دستیاب آسراتی تا جاچ ءِ ہلسا پارے کہ ڈیرہ غازی خان اٹی اسکول آتا حالیت زر ابتر ءِ مارو مسن تیکن کلاس روم تسکان آخا مستین اٹی اگہ کاریم کننگاکہ تو داخہ در تنزلی متوکہ۔