سختی نا حالیت آتے ٹی صوبائی بجٹ ستا کڑزک‘حاجی نورمحمد دمڑ
Get real time updates directly on you device, subscribe now.
ہرنائی (آن لائن) بلوچستان عوامی پارٹی نابنجائی راہشون و صوبائی وزیر پی ایچ ای، واسا حاجی نورمحمد خان دمڑ پارینے کہ ساڑی سخت انگا حالیت آتے ٹی حکومت الس دوست بجٹ پیش کرسا بھلو کاریم اس کرینے‘ بجٹ اٹ بنداوی انفراسٹرکچر نا تعمیر، جانجوڑی‘ تعلیم، آبنوشی، امن وایمنی روگار نا فراوانی ءِ صوبائی حکومت اولیت ایتک۔ سنجاوی ٹی پولی ٹیکنکل کالج و ہرنائی گرلز انٹر کالج تون اوار گچین کاری حلقہ نا ہڑتوم آضلع غاتا اہم انگا شونداری ڈٹ آک اوار ءُ‘ بی اے پی وایلو سیوتی جماعت آتا بلوچستان نا ارٹمیکو بجٹ ہم جوان ءُ بجٹ اسے‘ مستین نابود آ صوبائی حکومت آتا نابودی ناسوب آن ہر سال صوبہ نا ارب آروپئیک لیپس مسرہ ولے ساڑی حکومت نا دور اٹ دن متنے‘ جوان و الس دوست بجٹ پیش کننگ آ وزیراعلیٰ بلوچستان میرجام کمال خان و وزیرخزانہ ظہور بلیدی و اونا ٹیم مبارکبادی ایتنہ.