صوبائی بجٹ نابرخلاف مچ آ بلوچستان اٹ مزور وملازم آتا برانز
Get real time updates directly on you device, subscribe now.
کوئٹہ (آن لائن) بلوچستان صوبائی نا بجٹ 2020.21 نا برخلاف کوئٹہ تون اوار مچ آ بلوچستان اٹ بلوچستان لیبر فیڈریشن نا خواست آ مزور وملازم آک سڑک آتیا پیش تمسا برانز کریر۔ کوئٹہ‘ سبی‘ لورالائی‘ ہرنائی خضدار‘ قلات‘ ژوب‘ حب‘ چمن‘ ڈیرہ اللہ یار‘ ڈیرہ مراد جمالی‘ مستونگ‘ نصیرآباد‘ جعفر آباد نا چندی علاقہ غاتے ٹی برانزی ریلی اڈ ترسا برانز کننگا۔ کوئٹہ ٹی بلوچستان لیبر فیڈریشن ناکنڈآن اڈ تروک بنجائی ریلی نا کماشی ءِ فیڈریشن نا صدر خان زمان کرے وخت اس کہ ایلو مزور راہشون قاسم خان‘ بشیراحمد معروف آزاد‘ عابد بٹ‘ سیف اللہ‘ دین محمد‘ عارف نچاری‘ ملک وحید کاسی‘ منظوراحمد‘ ظفرخان رند‘ محمد عمر جتک‘ حاجی عزیزاللہ‘ فضل محمد‘ عزیز شاہوانی‘ نورالدین بگٹی‘ حمید چراغ وایلو راہشون بشخ لکر‘ مزور راہشونک صوبائی بجٹ ءِ بلوچستان نا مزور و ملازم آتا حق خلنگ و بدترین کبینی نا مستائی گوندار‘ او پاریر کہ بلوچستان حکومت تنخواہ تے ودفپرسا غریب خواری کش ملازم و صوبہ نا سفید پوش تپہ ءِ مشکل آتا گواچی کرینے‘ بلوچستان اٹ کبینی بھاز زیات ءِ۔