کشمیر آ پاکستان نا پالیسی ءِ ہچ کس بدل کننگ کپک، بابر اعوان

اسلام آباد (اے پی پی) وزیراعظم نا خصوصی کمکار ڈاکٹر بابر اعوان پارینے کہ اسہ لمہ نا ماراس ہم کشمیر آ پاکستان نا پالیسی ءِ بدل کننگ کپک، مودی ڈیہہ نا امن ءِ گہیو تخانے۔ دوشنبے نادے آ قومی اسمبلی ٹی برجیس طاہر نا کنڈآن چست کروک آ ٹک آتا ورندی ءِ ترسا ڈاکٹر بابر اعوان پارے کہ وزیر خارجہ پالیسی بیان تسنے۔ پاکستان نا موقف اٹی ہچ ءُ بدلی اس بتنے، حکومت پاکستان نا موقف دادے کہ ہرا قائد اعظم ، لیاقت علی خان و مچ آ پاکستانی سرکڑدہ غاتا مسنے۔ اسہ لمہ نا مار اس ہم کشمیر آ پاکستان نا موقف ءِ بدل کننگ کپک۔ مودی ہندن ءُ غاصب اسے ہرا ڈیہہ نا امن ءِ گہیوتخانے۔ او اِرا ایٹمی قوت آتون جنگ و جھیڑہ نا بناءِ کرینے۔ اولداخ اٹی ابھی نندن نا دروشم اٹ ورندی ءِ خنانے۔ پاکستان نا غٹ سفارتخانہ و مندوب پاکستان نا پالیسی ءِ مون آ دننگ ءُ۔