صوبائی حکومت بجٹ اٹ الس ءِ ریلیف تننگانے‘لیلیٰ ترین

ہرنائی (آن لائن) بلوچستان عوامی پارٹی نا صوبائی اسمبلی نا باسک گودی لیلیٰ ترین پارینے کہ حکومت بلوچستان سخت زرگزرانی حالیت آتیان پد ہم جوان ءُ بجٹ اس پیش کرے۔ ہراڑا وزیراعلیٰ بلوچستان میر جام کمال خان عالیانی ءِ خراج تحسین پیش کیوہ۔ دا خیال آتا درشانی ءِ او حکومت بلوچستان ناکنڈآن پیش کروک بجٹ آ تینا خیال آتا درشانی ءِ کرسا کرے۔ او پارے کہ بروک آ مالی سال انا بجٹ مشکل ءُ بجٹ اس مس‘ کورونا وائرس و ملخ آتا جلہو ناسوب آن زگزرانی نا نزور حالیت آتیان پد ہم صوبائی حکومت بجٹ اٹ الس ءِ ریلیف تسنے۔ اوپارے کہ صوبائی بجٹ اٹ صوبہ ناغٹ ضلع غاتے بریبری نا بنداو آ شونداری ڈٹ تننگانے اسہ ضلع سے ہم گوجالنگ تنے۔ او پارے کہ بجٹ اٹ جانجوڑی‘ تعلیم‘ امن وایمنی وپسماندہ علاقہ غاتے شونداری تننگ آخصوصی چکار کننگانے۔