ہرنائی‘بل تفروک وبجلی دزی کروک آتا برخلاف آپریشن برجاءِ‘عطاءاللہ بنگلزئی

ہرنائی (آن لائن) ضلع ہرنائی ٹی کیسکو ناکنڈآن بجلی نا بل تفروک وبجلی دز آتا برخلاف کیسکو نا گرینڈ آپریشن برجاءِ‘ سَد آ سرکاری‘ نجی وکمرشل بجلی ناکنکشن آتے کاٹ کرسا پورو بل تننگ اسکان بحال کپنہ‘ دا خیال آتا درشانی ءِ ایس ڈی او کیسکو آپریشن ہرنائی عطاءاللہ بنگلزئی میڈیا تون ہیت وگپ کرسا۔ او پارے کہ بجلی نابل تفروک‘ بجلی دز آتا برخلاف کارروائی کننگ کن کیسکو کارندہ غاتا ٹیم ٹہیفسا بل تفروک‘ سرکاری‘ نجی‘ کمرشل، ٹیوب ویل تا برخلاف آپریشن نا بناءِ کننگانے‘ و مچ آ ضلع ٹی دا وخت اسکان سَد آ کنکشن آتے کاٹ کنگانے۔ ایس ڈی او کیسکو آپریشن ہرنائی عطاءاللہ بنگلزئی پارے کہ ہراڑے صارف آک بل جمع کرفنگ ءُ بجلی دزی مفننگ ءِ تو ہموڑے بجلی نا لوڈشیڈنگ زیرو ءِ۔ او ضلع ہرنائی نا سیاسی جماعت‘ قبائلی متبر و سول سوسائٹی آن خواست کرے کہ بجلی نا صارف آتے ٹی صارفین شعورآگاہی ترسا کیسکو تون کمک کیر‘ اوپارے کہ بل تفروک وبجلی دزی کروک آتا برخلاف دا آپریشن برجا سلک۔