ایکٹنگ آ کاریم کروک لیڈی ہیلتھ ورکرز آتے پروموٹ و 9 تُو انا ایف ٹی اے تننگے‘بی بی جان کاکڑ

کوئٹہ (آن لائن) لیڈی ہیلتھ ورکرز بلوچستان صوبائی حکومت آن خواست کرینے کہ کیہی سال آن ایکٹنگ آ کاریم کروک لیڈی ہیلتھ ورکرز آتے پروموٹ و 9 تُو انا ایف ٹی اے تننگے و لیڈی ہیلتھ ورکرز پروگرام اٹ بوگس بھرتی وکرپشن نا جاست پاست کننگ کن کمیٹی ٹہیفنگے‘ تدوک ادے لیڈی ہیلتھ ورکرز بی بی جان کاکڑ، مختار درانی، نورجہاں، مہ جبین، رقیہ اختر، پروین سلام، کوثر بانو، فرزانہ تون اوار ایلوفک شہید فیاض سنبھل چوک آتیناخواست آتا پوروی کن دھرنا تسر و برانز کریر او خواست کریر کہ لیڈی ہیلتھ ورکر آک کیہی سال آن ایکٹنگ لیڈی ہیلتھ ورکرز نا وڑ اٹ کاریم کننگ اٹی ءُ وخت اس کہ تدوک آ 9تُو آن ایف ٹی اے آن ہم محروم ءُ وخت اس کہ لیڈی ہیلتھ ورکرز پروگرام اٹ بوگس بھرتی کننگ انگ ءِ و کرپشن مننگ اٹی ءِ‘ او ڈاکٹر نسیم کٹکیزئی ءِ ڈی جی ہیلتھ آن ٹرانسفر نا خواست کریر۔