حکومتی ایس او پی تیا عمل کپروک آتا برخلاف کارروائی کننگک‘جاوید ڈومکی

چاغی (آن لائن) اسسٹنٹ کمشنر جاوید ڈومکی دالبندین شار انا دکان و مارکیٹ آتا دورہ ءِ کرسا رکھی گام گیج آتا بابت پمفلٹ ہم بشخا‘ رکھی گام گیج کپروک کیہی پوریاگر تے ڈنڈ کرے و پمفلٹ ءِ دکان نا مون آ خلنگ نا پارت کرے۔ دا وخت آ اسسٹنٹ کمشنر جاوید ڈومکی پارے کہ کورونا وائرس ءِ نن رکھی گام گیج تینائی کرسا بے سہب کننگ کینہ۔ اسہ پوریاگر اس ہم ماسک آن بیدس گراک آتے دکان تے ٹی الپ و پریاگرک تینٹ ہم ماسک بینر و دو تیا سنیٹائزر خلیر۔ اوپارے کہ انتظامیہ وار وار آ شار انا دورہ ءِ کننگ اٹی ءِ و سخت چاروکی کننگ اٹی ءِ اگہ کس اس ڈیوالئی یا بے پرواہی کرے تو اونا برخلاف سخت کارروائی کننگک و دکان تے سیل کننگک۔ اسسٹنٹ کمشنر جاوید ڈومکی شار انا دکان‘ ماکیٹ‘ حجام تا دکان تا ہم دورہ ءِ کرے و کورونا وائرس نا سوب آن حکومت نا کنڈآن تروک ایس او پی تا جاچ ءِ ہلک۔